Hauptmenü öffnen

LevenÄnnern

Dat musikalisch Talent vun Paul Kuhn wies sück all fröh. All as Schöler speel he up dat Akkordeon in dat Wiesbadener Wienlokal „Eimer“ den Gasten up. Nah sien Utbillen bi Kurt Thomas an dat Musische Gymnasium Frankfort an'n Main hett Kuhn af sien 17. Levensjohr dat Konservatorium in Wiesbaden besöcht. Parallel wark he all apenlich as Pianist, överweegend up dat Rebeet vun de Jazz-Musik. Mit dat Upkommen vun Musiksennen in dat Feernsehn wurr Paul Kuhn to'n düersamen musikalischen Gast up bundsdüütsch Bildscherms.

Af de 1950er Johren is Paul Kuhn tonehmend ok mit sungen Slager bekannt wurrn, ofschons he eegentlich kien Interesse an Slagermusik harr. Sien gröttste Erfolg weer dat Leed Der Mann am Klavier (komponeert vun Horst-Heinz Henning, 1954), folgt vun Es gibt kein Bier auf Hawaii (1963). 1957 nehm he mit dat Leed Das Klavier über mir an de düütsch Vörentscheeden to'n Eurovision Song Contest deel, keem dor aber blots up den darten Platz.

 
Paul Kuhn 1978 as Bandleader vun de SFB-Bigband

Sien wichtigste Tätigkeit as Arrangeur un Bandleader weer de Leitung vun de Bigband vun den Senders Freies Berlin af 1968. In disse Tiet weer he as Bass vun dat SFB-Danzorchester in tallriek Feernsehsennen to Gast, so ünner annern in de groot internatschonale Show-Reeg Gala-Abend der Schallplatte in de Johren 1969 (Conference: Vivi Bach un Dietmar Schönherr), 1971 (Conference: Eva Renzi un Paul Hubschmid) un 1973 (Conference: Rudi Carrell); legendär weern de Danzmusik-Sennen up den Bildscherm un de Reeg Paul’s Party. 1980 weer en swoor Johr för Kuhn. De SFB-Bigband wurr uplööst, de Plattenverlag EMI-Electrola hett hüm künnigt, sien Feernsehsennen Gong Show wurr nah veer Folgen instellt un sien tweet Ehe gung ok to Enn'. För en Neeanfang truck Kuhn nah Köln, grünn sien eegen Orchester un geev in' Oktober 1981 denn bi den Presseball in Köln sien Instand. Mit sien Orchester hett he ünner annern Peter Alexander up de Tournee 1983 un later up de sien letzt Tournee van 1990 bit 1991 begleit.

Af Midden vun de 1990er Johren weer he wedder in' Jazz aktiv. Da Paul Kuhn Trio bestunn ut hüm an' Flögel, Willy Ketzer an't Slagtüüch as ok Martin Gjakonovski oder ok Gary Todd an' Bass. Verstärkt wurrn se dör Benny Bailey an de Trompeet, Gustl Mayer an't Saxophon un de nedderlannsch Singerin Greetje Kauffeld. Siet Sommer 2000 weer he mit Max Greger, Hugo Strasser un de SWR-Big-Band as Swing Legenden ünnerwegens. 2008 nehm Paul Kuhn tosommen mit Mario Barth de CD Mensch Berlin up.

PrivatlevenÄnnern

Kuhn weer siet 1988 in darte Ehe mit de Musikerin un Singerin Ute Hellermann, bekannt as Leiterin vun de Ute Mann Singers, verheiraadt.

2005 muss sück Kuhn en Operatschoon an't Hart ünnertrecken, 2007 wurr he an en Gördelroos krank. In de dorup folgen Johren leeten sien Gehör un sien Sehkraft nah.[2]

Paul Kuhn is an' 23. September 2013 wiels en Kurupenholt in dat hessisch Bad Wildungen storven.[1] He hett sien Fru Ute un sien ut eerst Ehe stammen Söhn Daniel achterlaaten.[3]

Künstlerisch EntwicklungÄnnern

Kuhn hett nahnanner Akkordeon, Klaveer un Klarinette lehrt. Sien eersten Feernsehupträe harr he mit 8 Johren up de Funkutstellen 1936 in Berlin. Sien Loopbahn as Jazzpianist fung kört nah Kriegsenn' in den Clubs vun de US Army an un broch hüm för eenig Johren en fasten Anstellung bi den Senner AFN.

SlagersingerÄnnern

As Slagersinger speel Kuhn Titel as Der Mann am Klavier (1954), Es gibt kein Bier auf Hawaii (1963) un Die Farbe der Liebe (1958 in de Hitparaden) in. De vun Nils Nobach produzeert Titel Der Mann am Klavier hett sück in dat Genre vun dat Stimmungsleed över 250.000 Mal verköfft.

PianistÄnnern

As Pianist tell Kuhn Art Tatum un George Shearing as ok – besünners in stilistisch Hensicht mit faken sporsam Eenzelnoten- un Akkordsetten – Hank Jones to sien Vörbiller. Utflüüg in den Bebop sünd beleggt dör Stücke as Stitt’s tune (2002) un Ornithology (1999).

BandleaderÄnnern

 
Paul Kuhn (links) mit Tony Lakatos (Midden) un Gary Todd an' Bass (2008)

As Arrangeur un Bandleader orienteer sück Kuhn vör allen an Count Basie. „Basie ist die Basis“, hett Kuhn seggt. Un: „Ich spiele zwar Klavier, doch mein eigentliches Instrument ist meine Band.“ Sien erstes Arrangement schreev he mit Früenden över Bei mir bist Du schön as 15-Johriger. He hett völ Topstars vun de düütschsprakig Ünnerhollen up hör Konzerttourneen begleit, so ok Peter Alexander, bi de sien Tournee 1979 all Paul Kuhn sien Fru, Ute Mann, as Chorleiterin vun hör Ute Mann Singers mitwarken dee (Orchesterleitung: Dieter Reith).

ProduzentÄnnern

As Produzent förder Kuhn af Enn' vun de 1950er Johren Nachwusstalente – ünner annern Ralf Bendix, Rocco Granata, Howard Carpendale – un produzeer deren Upnahmen.

Entertainer un SchauspelerÄnnern

As Entertainer un Schauspeler is Kuhn in en Reeg vun Feernsehsennen uptreden, dorünner mit Willy Maertens, Walter Richter un Hanns Lothar in Biedermann und die Brandstifter (1958), in de Verwesselnskummedie Drillinge an Bord (1959), Spiel mit Vieren, Hallo Paulchen, Pauls Part’y. In en Feernsehserie vun Sketchen mit den Titel Der Forstarzt (1992) mit Harald Juhnke is Kuhn in de Rull vun en Regisseur uptreden.

1985 speel he sück sülvst in den Feernsehfilm Der Mann am Klavier, gemeensam mit internatschonalen Gesangsstars as Gilbert Bécaud, Marlène Charell un Bibi Johns.[4]

Kuhn speel 2010 an de Siet vun Peter Lohmeyer un Mina Tander in de Tragikummedie Schenk mir dein Herz vun Nicole Weegmann de hüm up den Liev sniedert Rull vun en olt Jazzpianisten.[5] För dissen Film hett Kuhn ok eenige Leeder komponeert. De Film is an' 5. Mai 2011 bundswiet in den Kinos start, weer an' 16. Juni 2011 Eröffnungsfilm vun dat Festival des deutschen Films[6] un wurr later mehrfack in dat Düütsch Feernsehn utstrahlt.[7][8]

2012 hett Christoph Simon för sien Dokumentarfilm Paul Kuhn – Der Mann am Klavier Freunde und Weggefährten Paul Kuhns vor der Kamera, so Götz Alsmann, Till Brönner, Helge Schneider un sien langjohrigen Slagtüüchspeeler Willy Ketzer inladen.[9][10]

Filmografie (Utwahl)Ännern

Johr Titel
1955 Wie werde ich Filmstar?
1958 Musik ombord
1960 Romanze in Tüll, Feernsehn
1972 Pauls Finale, Feernsehn
1975 Berlin grüsst Bern, Feernsehn
1998 Wann wird denn das gesendet?, Feernsehn
2010 Schenk mir dein Herz

UtteknungenÄnnern

To sien tallriek Utteknungen tellen ünner annern:

  • 1936: Landssieger Akkordeon in Hessen-Nassau
  • 1953: Jazzpianist Nr. 1 in Düütschland
  • 1971: Goldene Kamera för sien Feernseharbeiten (Paul’s Party)
  • 1976: Düütsch Schallplattenpries
  • 1976: Hans-Bredow-Medaille (för Verdeensten um den Rundfunk)
  • 2002: German Jazz Trophy (för Verdeensten um de Jazzmusik)
  • 2003: Klaveerspeler vun dat Johr
  • 2003: Goldene Europa (för sien künstlerisch Levenswark)
  • 2003: Veerteljahrespries vun de Düütsche Schallplattenkritik (för de CD Young at Heart)
  • 2008: Ehrenurkunn vun de Düütsche Schallplattenkritik (för sien Levenswark) un German Jazz Award (för de CD As Time Goes By)
  • 2010: ECHO Jazz för sien Levenswark as Pianist, Dirigent un Komponist (Verleehen weer an' 5. Mai 2010 in Baukem)

LiteraturÄnnern

  • Paul Kuhn: Swingende Jahre. Der Mann am Klavier erzählt seine Lebensgeschichte. Bastei Lübbe, Bergisch Gladbach 1988, ISBN 3-404-61140-3.
  • Nadja Mayer: Die Paul Kuhn Story. Parthas, Berlin 2007, mit en CD, ISBN 3-86601-510-0.

WeblenkenÄnnern

  Paul Kuhn. Mehr Biller, Videos oder Audiodateien to’t Thema gifft dat bi Wikimedia Commons.
  Op Wikiquote gifft dat Zitaten to, över oder vun „Paul Kuhn“ (hoochdüütsch).

Enkeld NahwiesenÄnnern