Till Brönner

Till Brönner (* 6. Mai 1971 in Viersen) is en düütsch Trompeter, Komponist, Perfesser för Jazztrompete un Fotograf.

Till Brönner (2008)

Werdegang

Till Brönner (2016)

De Familie gung eenige Johren nah sien Gebort för fiev Johr nah Rom, wo de Öllern vun Brönner as Lehrer an de düütsch School Ünnerricht geven un Brönner den Kinnergorden besöcht hett. He full dör sien Talen bi verscheeden Schoolorchestern up. He hett 1990 sien Abitur up de Jesuitenschool Aloisiuskolleg in Bonn-Bad Godesberg maakt un studeer denn Jazztrompete an de Hoochschool för Musik Köln. To sien wichtigst Mesters hörrn Malte Burba un de amerikaansch Jazz-Trompeter Bobby Shew. 1991 wurr Brönner Liddmaat vun de RIAS Big Band (dormals noch RIAS Tanzorchester) ünner Horst Jankowski. 1993 keem sien eerst Album herut Generations of Jazz (mit Ray Brown, Jeff Hamilton, Frank Chastenier un Grégoire Peters). He kreeg den Preis der Deutschen Schallplattenkritik un den Preis der Deutschen Plattenindustrie. In Folge speel he mit internatschonalen Jazzgrötten as Dave Brubeck, Tony Bennett, Mark Murphy, James Moody, Monty Alexander, Nils Landgren as ok Klaus Doldinger un Joe Sample un gung 2003 mit de Soulsängerin Joy Denalane up Tour. He hett för Hildegard Knef dat Album 17 Millimeter (1999) komponeert un produzeert un schreev Soundtracks för Jazz Seen (2001) as ok Höllentour (2004) vun Pepe Danquart.

In‘n April 2006 keem sien in Los Angeles upnommen Studioalbum Oceana herut. Up de vun Larry Klein produzeert CD sünd ünner annern Madeleine Peyroux un Singerin Carla Bruni as Gaststars bedeeligt.

2006 hett he för den Bariton Thomas Quasthoff dat Jazzalbum Watch What Happens produzeert, bi dat he ok as Trompeter mitwiarkt hett. Dat Album hett den europääschen Musikpries Echo wunnen.

Van 2004 bit März 2010 weer he Moderator un speel in de Reeg Talkin’ Jazz vun de Kunst- und Ausstellungshalle der Bundesrepublik Deutschland in Bonn mit sien Band un utwählt Gästen, dorünner Paul Kuhn, Mousse T., Stefan Raab, Anke Engelke, Thomas Quasthoff, Nana Mouskouri un annern. An‘n 5. März 2010 weer Peter Kraus sien letzt Gast in de Reeg. 2009 speel he as en vun de Gastmusiker de Flögelhornparts up dat Album Touch vun dat bekannt Swiezer Electronicmusic-Duo Yello.

2009 wurr Brönner to’n Perfesser an de Hochschule für Musik Carl Maria von Weber Dresden beropen. Siet dat Wintersemester 2009/2010 lehrt he dor tosommen mit Malte Burba in de Fachricht Jazz, Rock un Pop.

Vun August bit November 2010 weer Brönner gemeensam mit Sarah Connor un George Glueck Juryliddmaat un Mentor in de Castingshow X Factor, de up RTL un VOX sennd wurrn is. He kreeg de Kategorie vun de af 25-Johrigen todeelt un wunn den Wettbewarf mit sien Kandidatin Edita Abdieski. In de tweet Staffel, de an‘n 30. August 2011 los gung, hett he den glieker Part övernommen un wunn an’n 6. Dezember 2011 weer, ditmal mit sien Kandidaten David Pfeffer. Sien Utstiegen ut de VOX-Talentshow hett he mit sien Hööftberop as Jazzmusiker begrünnd, de weer sien nich deelt Upmarksomkeit verdeenen würr.

2010 fung Brönner an, ok as Fotograf to arbeiten. Sien Porträts, meest mit en Leica „M“ Kamera fotografeert, keemen Enn’n 2014 in den Bildband Faces of Talent (teNeues Verlag) herut. Dornah folgten mehrere Galerie- un Museums-Utsstellungen. Besünnere Upmarksomkeit kreeg 2019 en Updragsarbeit vun de Essener Brost-Stiftung, för de Brönner een Johr lang dat Ruhrreebeet porträteert hett. De Utstellung funn in dat Duisborger Museum Küppersmühle für Moderne Kunst ünner den Titel „Melting Pott“ statt.

In‘n April 2016 wurr Till Brönner as eenzig Jazzkünstler ut den düütschspraakigen Ruum vun US-Präsident Barack Obama in dat Witt Huus nöögt, um mit 45 internatschonalen Kollegen den International Jazz Day vun de UNESCO (30. April) mit en Konzert to fiern. In dat All-Star-Ensemble weern ünner annern Aretha Franklin, Morgan Freeman, Herbie Hancock, Sting, Pat Metheny, Diana Krall, Marcus Miller, Wayne Shorter, Chick Corea, John McLaughlin, Al Jarreau un Dianne Reeves.

In‘n Mai 2016 hett Brönner nah över 15 Johr bi dat Plattenlabel Universal en internatschonalen Verdrag bi dat Label [[Sony Masterworks] afslooten].

2020 wurrn Fotos vun Brönner in de Potsdamer Villa Schöningen ünner den Titel Heimweh utstellt. Kurator vun de Utstellung weerrn Harald Falckenberg un Bernd Dinter, de neben Fotografien vun Brönner ok Warken vun Klaus Staeck und de Open Memory Box präsenteeren deen.

Angesichts de weer drohend Sluuten vun all Kulturinrichtungen in Tosommenhang mit de Corona-Pandemie hett sück Brönner Enn’n Oktober 2020 per Video mit en indringlichen Appell an de Apenlichkeit wennd, dat se de Kulturbranche nich starven laaten söllen. „Unser erfolgreiches pluralistisches System“ weer „in Gefahr, wenn Kultur nicht mehr frei arbeiten und frei wirtschaften kann“. Insbesünnere hett he kritiseert, dat de Kultur as Deel vun de „Freizeitwirtschaft“ verstahn würrd. Ok en half Johr later harr disse Appell nichts an Aktualität verloren.

Brönner hett (Stand 2014) en Wahnsitt in Berlin-Charlottenburg un siet 2013 en Tweetwahnsitt in Los Angeles.

He is Vader vun en Söhn un en Dochter.

Utteknungen

• Echo-Preis „Jazz national/international“ 2007, 2008 un 2009
• 2009: Grammy-Nomineeren in de Kategorie „Best instrumental Jazz solo“
• 2012: Praxisstipendiat in de Deutschen Akademie Rom Villa Massimo
• 2014: Joachim-Ernst-Berendt-Ehrenpries vun de Stadt Baden-Baden (Verleehn an’n 12. März 2014 in Baden-Baden in’n Rahmen vun dat Mr. M’s Jazz Club Festival)
• 2019: Verdeenstorden vun dat Land Noordrhien-Westfalen

Diskografie (Utwahl)

Alben

• 1990: The Best of Schäng and the Gäng Vol. 3 (mit Stefan Raab)
• 1994: Generations of Jazz
• 1995: My Secret Love
• 1996: German Songs
• 1996: Midnight
• 1998: Love (Gold, Jazz-Award 1999)
• 2000: Chattin with Chet (En Tribut an Chet Baker) (Gold, Jazz-Award 2000)
• 2001: Jazz Seen (Gold, Jazz-Award 2005)
• 2002: Blue Eyed Soul (5× Gold, Jazz-Award 2005)
• 2004: That Summer (3× Platin, Jazz-Award 2005)
• 2004: For You (Frank Chastenier un Till Brönner) (Gold 2009)
• 2006: Oceana (Gold 2012)
• 2007: The Christmas Album (mit Curtis Stigers, Yvonne Catterfeld) (Gold 2013)
• 2008: Rio (mit Annie Lennox, Aimee Mann, Sérgio Mendes, Milton Nascimento, Melody Gardot, Vanessa da Mata, Luciana Souza, Kurt Elling)
• 2010: At the End of the Day
• 2012: Till Brönner
• 2014: The Movie Album (mit Gregory Porter, Joy Denalane u. a.)
• 2015: Best of the Verve Years
• 2016: The Good Life (mit Larry Goldings, Anthony Wilson, John Clayton, Jeff Hamilton) (3× Gold, Jazz-Award 2017)
• 2018: Nightfall (mit Dieter Ilg) (Platin, Jazz-Award 2018)
• 2020: On Vacation (mit Bob James)

Videoalben

• 2005: A Night in Berlin (Gold, Jazz-Award 2006)

Böker

• Till Brönner, Claudius Seidl: Talking Jazz. Kiepenheuer & Witsch, Köln 2010, ISBN 978-3-462-04167-5.
• Till Brönner: Faces of Talent. teNeues Verlag, Kempen 2014, ISBN 978-3-832-79865-9.
• Gastsnacker bi dat Hörbook But Beautiful: ein Buch über Jazz vun Geoff Dyer.
• Walter Smerling, Eva Müller-Remmert (Hrsg.): Till Brönner. Melting Pott. Wienand, Köln 2019, ISBN 978-3-86832-538-6 (Katalog zur gleichnamigen Ausstellung der Stiftung für Kunst und Kultur e. V., Bonn, und der Brost-Stiftung im Museum Küppersmühle für Moderne Kunst MKM, Duisburg).

Weblinks

• DNB Katalog
• Offizielle Website
• Biografie bi JazzEcho
• Mosaik. Gespräch am Samstag. In: WDR 3 (Westdeutscher Rundfunk), 6. Juli 2019
• Till Brönner in der Leica-Gallery Los Angeles
• The Artist up www.tillbroenner-photography.com