Samtgemeen Swarms

De Samtgemeen Swarms (hoochdüütsch: Schwarmstedt) is en Samtgemeen in’n Landkreis Heidkreis, in de sik fief Gemenen för de Afwickeln vun de Verwaltenssaken tohopen slaten hebbt. Se hett 12.737 Inwahners (Stand 31. Dezember 2016).

Wapen/Flagg	Koort
Basisdaten
Sitt:	Swarms
Landkreis:	Heidkreis
Flach:	140,96 km²
Inwahners:	12.737 (31. Dezember 2016)
Geograafsche Laag:	52° 40′ N, 9° 37′ O
Grenzen bi OSM:	1808859
Gemeenslötel:	03 3 58 403
Tall Gemenen:	5
SG-Börgermeester:	Björn Gehrs (SPD)
Websteed:	www.schwarmstedt.de
Koort Kreis Laag von de Gemeen Samtgemeen Swarms in’n Landkreis Heidkreis (Koort lett sik anklicken)

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Heidkreis beschreven un kann dor naleest waarn.

Historie

De Samtgemeen gifft dat siet den 4. März 1974. Se is dormols in’n Rahmen vun de Rebeetsreform vun’t Land Neddersassen nee billt worrn.

Inwahnertall

Johr	Inwahners
1972-12-3131. Dezember 1972	8.516
1977-12-3131. Dezember 1977	8.741
1982-12-3131. Dezember 1982	8.928
1987-12-3131. Dezember 1987	8.855
1992-12-3131. Dezember 1992	9.617
1997-12-3131. Dezember 1997	10.593
2002-12-3131. Dezember 2002	11.604
2007-12-3131. Dezember 2007	12.348
2012-12-3131. Dezember 2012	12.129
2017-12-3131. Dezember 2017	12.826

Geografie

De Samtgeem Swarms billt den süüdlichsten Tippel vun’n Landkreis un warrt to’n Noorden hen vun de Samtgemeen Ahlden, vun de Eenheitsgemeen Wasra un vun den gemeenfre’en Bezirk Oosterheid afgrenzt. Wieter hett de Samtgemeen Grenzen to dree annere Landkreisen: In’n Oosten is dat de Landkreis Celle mit sien Eenheitsgemenen Wietze un Winsen (Aller) un in’n Süüden de Region Hannober mit de Gemeen Wedemark un de Eenheitsgemeen Niestadt. In’n Westen slutt sik de Landkreis Nienborg/Werser mit de Samtgemenen Steembke un Heemsen an

Samtgemenenopdelen

To de Samtgemeen höört de nafolgen Gemenen (na’t Bookstaveren):

1. Baukkult (Aller)
2. Äsel
3. Gilten
4. Linneweh
5. Swarms

Politik

Samtgemeenraat

De Samtgemeenraat vun Swarms besteiht vundaag neven den den Samtgemeenbörgermeester ut dörtig wählte Raatsliddmaten, de sik op dree Frakschonen verdeelt. De letzte Kommunalwahl weer in’n November 2011:

Partei	2011	2006
SPD	18	12
CDU	8	11
FDP	–	1
Bündnis 90/De Grönen	–	1
UWG	4	3

Samtgemeenbörgermeesters

Dat Amt von’n Samtgemeenbörgermeester weer bet to dat Enn von de Tweegleisigkeit 2004 ehrenamtlich. Siet 2004 is de Börgermeester in’t Hauptamt för de Verwaltung von de Samtgemeen tostännig.

• 2004–31. Oktober 2011: Hans Wilhelm Frische (ahn Partei)
• 1. November 2011–: Björn Gehrs (SPD)

Samtgemeendirekters

Dat Amt von’n Samtgemeendirekter is 2004 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

• 1992–2004: Hans Wilhelm Frische

Wapen

Dat Wapen vun de Samtgemeen besteiht ut en roden Hööftschragen op sülvern Grund. Dorin is in de Mitt en golden Ploogschoor to sehn mit twee sülvern Radkrüzen links un rechts, een op jede Siet. Dat Wapen warrt siet 1966 vun de Gemeen Swarms bruukt un is 1973 ok as Wapen vun den Raat vun de Samtgemeen Swarms annahmen worrn.

Weblenken

Samtgemeen Swarms. Mehr Biller, Videos oder Audiodateien to’t Thema gifft dat bi Wikimedia Commons.

Samtgemenen in’n Landkreis Heidkreis

Ahlden | Rethen/Aller | Swarms