Samtgemeen Land Wusten

De Samtgemeen Land Wusten weer en Samtgemeen in’n Landkreis Cuxhoben, in de sik söven Gemenen för dat Afwickeln vun de Verwaltenssaken tohoopslaten harrn.

Wapen/Flagg	Koort
Basisdaten
Sitt:	Dorum
Landkreis:	Cuxhoben
Flach:	116,97 km²
Inwahners:	9.585 (31. Dezember 2011)
Inwahnerdicht:	81,9 Inwahners pro km²
Geograafsche Laag:	53° 41′ N, 8° 34′ O
Gemeenslötel:	03 3 52 5408
Tall Gemenen:	7
Websteed:	www.sglandwursten.de
Laag von Samtgemeen Land Wusten in’n Landkreis Cuxhoben (Koort lett sik anklicken)

Geografie

De Samtgemeen weer an de Noordsee, de na Westen hen to leeg. Dat Rebeed is to’n groten Deel Masch, in de Gemeen Millm deelwies ok Geest, de bet to 21 m över NN hoog reckt.

De Samtgemeen Land Wusten hett in’n Noorden an de Gemeen Noordholt grenzt, in’n Oosten un Süden an de Gemeen Langen.

Historie

De Samtgemeen is an’n 1. März 1974 billt worrn. To’n 1. Januar 2015 hebbt sik de Gemenen in de Samtgemeen mit de Gemeen Noordholt tohoopslaten un denn de Gemeen Wuster Noordseeküst billt. De Samtgemeen sülvs is dorbi oplööst worrn.

Inwahnertall

Johr	Inwahners
2004-12-3131. Dezember 2004	9.730
2011-12-3131. Dezember 2011	9.585

Politik

To de Samtgemeen hebbt düsse söven Gemenen höört:

1. Gemeen Cappel
2. Gemeen Dorum (Sitt vun de Verwalten)
3. Gemeen Millm
4. Gemeen Misselwarden
5. Gemeen Mulsen
6. Gemeen Padingbüddel
7. Gemeen Wremen

Samtgemeenraat

De Samtgemeenraat vun de Gemeen bestünn toletzt blangen den Samtgemeenbörgermeester ut 24 wählte Raatsliddmaten. De letzte Kommunalwahl weer an’n 11. September 2011:

Partei	2001	2006	2011
SPD	13	10	9
CDU	11	10	10
Wuster List	-	-	4
De Linke	-	1	1
FDP	-	1	-
Millmer List	-	2	-

Samtgemeenbörgermeesters

Börgermeester	Tied	Partei
Wolf-Dieter Lutz	1976-1981	SPD
Wolfgang Neumann	-31. Dezember 2014	CDU

De letzte Samtgemeenbörgermeester weer Wolfgang Neumann.

Wapen

Dat Wapen wiest vörn op gollen Grund halv en swarten Aadler mit roden Snavel, Tung un Klau un achtern op grönen Grund en sülvern Wellenlien in’n Schildkopp un dor ünner söven gollen Kleverbläder.

De Aadler is en Symbol för de Fresen, de in dat Land Wusten siedelt hebbt (Wusterfresen). De gröne Grundfarv von dat twete Feld steiht för de Masch, de Wellenlien för de Beken un Gravens. De Kleverbläder staht för de Bueree un de Tall söven för de söven Gemenen, de sik in de Samtgemeen tohoopslaten hebbt.

Partnerschoppen

De Samtgemeen hett an’n 5. Mai 2005 en Partnerschop mit Ploeren in Frankriek slaten.

Weblenken

Samtgemeen Land Wusten. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Samtgemeen (hoochdüütsch)