Sandbekerbrook
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 14′ N, 8° 47′ O53° 14′ N, 8° 47′ O | |
|
| ||
Sandbekerbrook (hoochdüütsch Sandbeckerbruch) is en Oort in de Gemeen Oosterholt-Scharmbeek in’n Landkreis Oosterholt, Neddersassen.
De Oort weer fröher en egen Dörp, is vondaag aver mit Oosterholt-Scharmbeek to een Oort tohoopwussen.
Geografie
ännernDe Oort liggt op de Oosterholter Geest an’n Scharmbeker Beek.
De Naveröörd sünd Westerbeek in’n Noorden, Wist un Pennigbüttel in’n Noordoosten, Oosterholt in’n Süüdoosten, Scharmbeek in’n Süden, Buschhusen in’n Süüdwesten un Bargten in’n Westen.
Historie
ännernSandbekerbrook hett sik as Oort rund üm dat Good Sandbeek billt.
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Westerbeek in’n Kanton Oosterholt höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Scharmbeek in’n Kanton Oosterholt.
De Oort hett vör 1848 to dat Gericht Sandbeek un denn von 1848 bet 1885 to de Vaagdie Sandbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en, grötteren Kreis Oosterholt tohoopgahn is.
Sandbekerbrook weer fröher en egenstännige Gemeen. In dat Johr 1927 is de Oort mit de Gemenen Oosterholt, Scharmbeek, Ahrensfeld un Bargten to dat hüdige Oosterholt-Scharmbeek tohoopslaten worrn.
Inwahnertall
ännern| Johr | Inwahners |
|---|---|
| 1791[1] | 7 Füürsteden |
| 1824[2] | 7 Füürsteden |
| 1848[3] | 141 Lüüd, 20 Hüüs |
| 1. Dezember 1871[4] | 113 Lüüd, 17 Hüüs |
| 1. Dezember 1885[5] | 134 Lüüd, 15 Hüüs |
| 1. Dezember 1905[6] | 102 Lüüd, 16 Hüüs |
| 1. Dezember 1910[7] | 145 |
Religion
ännernSandbekerbrook is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
ännernFör Sandbekerbrook is de freewillige Füürwehr Oosterholt-Scharmbeek mit tostännig.
Verkehr
ännernDör Sandbekerbrook löppt de Bundsstraat 74, de in’n Noordoosten över Pennigbüttel un an Hambargen un Gnarrenborg langs na Bremervöör geiht un in’n Süüdwesten na Hu’e un na Bremen-Noord. In’n Westen geiht von de B 74 de Landsstraat 149 af över Buschhusen na Swonewebel. In’n Noorden föhrt de Kreisstraat 46 na Westerbeek un Hülsbarg.
De Opfohrt 16 Bremen-Noord op de Autobahn 27/270 liggt so negen Kilometer in’n Süüdwesten von Sandbekerbrook.
De nächste Bahnhoff is knapp dree Kilometer wied weg in’n Süden de Bahnhoff Oosterholt-Scharmbeek an de Bahnlien Bremen–Bremerhoben.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 198
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 528
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de