Specken (Landkreis Veern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27308 | |
| Vörwahl: | 04236 | |
| Geograafsche Laag: | Koordinaten:52° 55′ N, 9° 20′ O52° 55′ N, 9° 20′ O | |
|
| ||
Specken (hoochdüütsch Specken) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Wetenmöhlen.
Geografie
ännern
De Oort liggt op de Linnelner Geest op beide Övers von’n Gohbeek. Dat Naturschuulrebeed Höhnermoor liggt in’n Noordoosten von Specken.
De Naveröörd sünd Ramels un Kohlenföör in’n Noordoosten, Kükenmoor un Veernermoor in’n Oosten, Saasloh un Neernabargen in’n Süüdoosten, Armsen in’n Süden, Lutten (Landkreis Veern) in’n Süüdwesten, Wetenmöhlen in’n Westen un Kerklinneln in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort hett von öllers to de Gemeen Wetenmöhlen mit bihöört, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1812[2] | 35 |
| 1824[3] | 2 Füürsteden |
| 1848[4] | 14 Lüüd, 2 Hüüs |
| 1. Dezember 1871[5] | 18 Lüüd, 3 Hüüs |
| 1. Dezember 1885[6] | 22 Lüüd, 3 Hüüs |
| 1. Dezember 1905[7] | 23 Lüüd, 4 Hüüs |
Religion
ännernSpecken is evangeelsch-luthersch präägt un höört to dat Kaspel von de Petrus-Kark in Kerklinneln.
För de Kathoolschen is de St.-Josef-Kark in Veern tostännig.
Weertschop un Infrastruktur
ännernFör Specken is de freewillige Füürwehr Wetenmöhlen mit tostännig.
Verkehr
ännernDe Straat dör Specken löppt in’n Noorden na Kerklinneln an de Kreisstraat 12 un an de Landsstraat 171 ran un in’n Süden na Armsen an de K 38. De L 171 föhrt in’n Süüdwesten na Veern un in’n Noordoosten över Jeddingen na Visselhöövd.
De nächste Autobahn is de Autobahn 27 (Afsnidd Bremen–Wasra). Ofschoonst de Autobahn direkt an’n Oort langs löppt, is de Opfohrt 26 Veern-Oost fiev Kilometer wied weg in’n Noordwesten von Specken an de L 171.
De nächste Bahnhoff is so bi negen Kilometer in’n Westen de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Armsen weer in disse Tied veer Kilometer in’n Süden. De Bahnhoff Kerklinneln an de Bahnlien Ülzen–Langwedel (inricht 1873) weer veer Kilometer in’n Noordwesten, is aver 1987 dichtmaakt worrn.
Scholen
ännernDe Kinner ut Specken güngen fröher in Kerklinneln na School. Vondaag gaht se na de Grundschool Lutten.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 214
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 568
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 182