Kohlenföör

Wapen/Flagg	Koort
Basisdaten
Bundsland: Neddersassen Landkreis: Veern Gemeen: Kerklinneln
Inwahners:
Postleettall:	27308
Vörwahl:	04237
Geograafsche Laag:	52° 57′ N, 9° 23′ O

Kohlenföör (hoochdüütsch Kohlenförde) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Brouk.

Geografie

De Oort liggt op de Linnelner Geest direkt an’n Gohbeek. Knapp twee Kilometer in’n Süüdwesten von’n Oort liggt dat Naturschuulrebeed Höhnermoor.

De Naveröörd sünd Huxhaal un Brouk in’n Noorden, Bennbössel in’n Noordoosten, Lüttjen Heinz in’n Oosten, Groten Heinz in’n Süüdoosten, Neenkroog, Gohbeek un Kükenmoor in’n Süden, Ramels un Specken in’n Süüdwesten, Kerklinneln in’n Westen un Lüttjen Linneln in’n Noordwesten.

Historie

Kohlenföör kummt 1650 as Kolenforde toeerst in de Oorkunnen vör.

Verwaltungsgeschicht

In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört von öllers bi de Gemeen Brouk mit bi, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is. Sietdem höört dat to de Oortschop Brouk.

Inwahnertall

Johr	Inwahners
1791-00-001791	1 Füürsteed
1812-00-001812	10
1824-00-001824	1 Füürsteed
1848-00-001848	11 Lüüd, 2 Hüüs
1871-12-011. Dezember 1871	13 Lüüd, 2 Hüüs
1885-12-011. Dezember 1885	13 Lüüd, 1 Huus
1905-12-011. Dezember 1905	16 Lüüd, 2 Hüüs

Religion

Kohlenföör is evangeelsch-luthersch präägt un höört to dat Kaspel von de Petrus-Kark in Kerklinneln.

För de Kathoolschen is de St.-Josef-Kark in Veern tostännig.

Kultur

Verenen

In Kohlenföör doot de Vereensanlagen von’n TSV Brouk liggen. Schüttensport warrt in’n Schüttenvereen Lüttjen Linneln bedreven.

Weertschop un Infrastruktur

För Kohlenföör is de freewillige Füürwehr Zähln mit tostännig. Bet 2000 weer dat noch de Freewillige Füürwehr Brouk, de denn aver oplööst worrn is.

Verkehr

Kohlenföör liggt an de Landsstraat 171, de in’n Westen na Kerklinneln un Veern geiht un in’n Noordoosten över Lüttjen Heinz un Jeddingen na Visselhöövd. Na Süden geiht von de L 171 de Kreisstraat 13 af, de na Kükenmoor un Neernabargen föhrt.

De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost is knapp acht Kilometer wied weg in’n Westen von Kohlenföör an de L 171.

De nächste Bahnhoff is so bi ölven Kilometer in’n Westen de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhööv Amsen un Neernabargen weren in disse Tied negen Kilometer in’n Süüdwesten. De Bahnhoff Bennbössel an de Bahnlien Ülzen–Langwedel (inricht 1873) weer veer Kilometer in’n Noordoosten, is aver 1987 dichtmaakt worrn.

Scholen

De Kinner ut Kohlenföör sünd fröher in Kükenmoor na de Volksschool gahn. Nadem de School dichtmaakt hett, gaht se vondaag op de Lintler Geest-School in Bennbössel.

Literatur

• Robert Kienzle: Chronik der Gemeinde Brunsbrock: Ortsteile, Brunsbrock, Klein-Linteln, Schmomühlen, Huxhall, Kohlenförde. 1956