Knill (Landkreis Cuxhoben)

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Wuster Noordseeküst
Inwahners:
Postleettall:	27637
Vörwahl:	04741
Geograafsche Laag:	53° 46′ N, 8° 37′ O

Knill (hoochdüütsch Knill) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers to dat Steenauer Veerdel von dat Kaspel Spiek to un is vondaag binnen de Gemeen Deel von de Oortschop Noordholt.

De Oort deelt sik in Nedderknill (in’n Noorden) un Böverknill (in’n Süden).

Geografie

Knill liggt op’n Rand von de Geest von de Hoge Lieth na de Masch von Land Wusten. Dat Water flütt af över den Wallsgroov, de in’n Westen von’n Oort langsgeiht.

De Naveröörd sünd Noordholt in’n Noorden, Wusterheid in’n Noordoosten, Wanhöden in’n Oosten, Scharnst in’n Süüdoosten, Hartingspecken, Northum un Millm in’n Süden, de Spieker Südermarren, Spiek un Steenau in’n Süüdwesten un de Spieker Noordermarren un Dieksenn in’n Noordwesten.

Historie

Verwaltungsgeschicht

De Oort hett vör 1852 to dat Vaagdiegericht Land Wusten tohöört un denn von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort is as Deel von de Gemeen Spiek an’n 1. März 1974 mit de Gemeenreform in Neddersassen an de Gemeen Noordholt kamen. To’n 1. Januar 2015 is de Gemeen Noordholt oplööst un Deel von de ne’e Gemeen Wuster Noordseeküst worrn.

Inwahnertall

Johr	Inwahners
1824-00-001824	21 Füürsteden
1871-12-011. Dezember 1871	152 Lüüd, 28 Hüüs

Religion

De Karkhoff

Knill is evangeelsch-luthersch präägt un höört to dat Kaspel von de Georg-Kark in Spiek.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

De Oort hett en egen Karkhoff.

Kultur

En Denkmaal för de Fullenen ut de twee Weltkrieg’ steiht in Knill op’n Karkhoff.

Weertschop un Infrastruktur

Verkehr

Dör Knill löppt de Kreisstraat 14, de in’n Oosten de Landsstraat 135 krüüzt un na Wanhöden geiht un in’n Süüdwesten na Spiek. In’n Noordwesten geiht de K 74 na Dieksenn un an de K 68 ran. De L 135 löppt in’n Noorden na Olenwoold un Cuxhoben un in’n Süden över Millm, Holsseln, Sievern un Langen na Bremerhoben. En lüttjere Straat geiht na dat Zentrum von Noordholt.

De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt so fiev Kilometer in’n Süüdoosten von Knill an de K 14.

De nächste Bahnhoff is so bi dree Kilometer wied weg in’n Noordoosten de Bahnhoff Noordholt an de Bahnlien Bremerhoben–Cuxhoben.

Weblenken

Knill (Landkreis Cuxhoben). Mehr Biller, Videos oder Audiodateien to’t Thema gifft dat bi Wikimedia Commons.