Wusterheid
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27637 | |
| Vörwahl: | 04741 | |
| Geograafsche Laag: | Koordinaten:53° 47′ N, 8° 38′ O53° 47′ N, 8° 38′ O | |
|
| ||
Wusterheid (hoochdüütsch Wursterheide) is en Oort in de Gemeen Wuster Noordseeküst in’n Landkreis Cuxhoben, Neddersassen. Dat höört binnen de Gemeen to de Oortschop Noordholt.
Geografie ännern
Wusterheid liggt op de Geest an’n Rand von Wusten (op de Wuster Heid, na de de Oort sien Naam kregen hett). Glieks blangen den Flegerplatz Noordholt.
De Naveröörd sünd Godendörp un Köstersweg in’n Noordoosten, Wanhöden in’n Süüdoosten, Millm in’n Süden, Knill in’n Süüdwesten, Noordholt in’n Westen un Ox in’n Noordwesten.
Historie ännern
In de Heid bi Noordholt is 1912 en Luftschipp-Haven anleggt worrn. Nadem dat Düütsche Riek aver den Eersten Weltkrieg verloren hett, sünd de militärschen Anlagen 1921 demonteert worrn. As Naklapp von’n Krieg müss dat Riek in’n Verdrag von Versailles ok dat Rebeed von’n Poolschen Korridor an Polen afgeven. Ut disse Rebeden sünd nu veel Düütsche wegtagen. 1200 Lüüd ut disse Rebeden sünd 1922 denn op dat Gelänn von’n vörherigen Luftschipp-Haven ünnerkamen, hebbt sik ansiedelt un dat Land in Kultur nahmen.
1924 hebbt de Gemenen Noordholt, Dieksenn, Wanhöden un Spiek Land afgeven, ut dat denn de ne’e Gemeen Wusterheid billt worrn is. De Gemeenraad von de Gemeen is an’n 3. November 1924 dat eerste Maal tohoopkamen.
Aver al 1935 hett dat Militär dat Gelänn wedder in Beslag nahmen, üm dor den Flegerplatz Noordholt antoleggen. Bet 1937 sünd de Siedlers to’n groten Deel wedder ümsiedelt worrn. De Flegerplatz is denn bet 1945 von de Düütschen un 1945/1946 von de Amerikaners militärsch bruukt worrn. Von 1946 bet 1958 is dat Gelänn rein zivil bruukt worrn. Dor weer ünner annern en Krankenhuus ünnerbrocht. 1958 hett denn de Bundswehr den Flegerplatz wedder militärsch bruukt.
An’n 1. Juli 1967 hebbt sik de Gemenen Wusterheid, Dieksenn un Noordholt to de ne’e Gemeen Noordholt tohoopslaten. To’n 1. Januar 2015 is de Gemeen Noordholt oplööst un Deel von de ne’e Gemeen Wuster Noordseeküst worrn.
Inwahnertall ännern
| Johr | Inwahners |
|---|---|
| 1925[1] | 245 |
| 1933[1] | 547 |
| 1939[1] | 1.077 |
Religion ännern
Wusterheid is evangeelsch-luthersch präägt un höört to dat Kaspel von de Kark to’n goden Heer in Noordholt.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Wapen ännern
Dat Wapen wiest op blauen Grund en gollen Propeller, mit twee sülvern Flünk an de Sieden. Dat wiest op de Geschicht von’n Oort hen, de eng mit’n Flegerplatz verbunnen is.
Kultur ännern
Verenen ännern
De Freewillige Füürwehr Wusterheid is an’n 11. April 1926 grünnt worrn.
Infrastruktur ännern
Elektrischen Stroom hett de Oort von 1921 af an över dat Överlandwark Noord-Hannover kregen.
Verkehr ännern
Wusterheid liggt an de Landsstraat 135 (de fröher Deel von de Bundsstraat 6 weer), de in’n Noorden na Olenwoold un Cuxhoben löppt un in’n Süden na Millm un Sievern. In’n Westen löppt de Kreisstraat 68 na Noordholt rin.
De nächste Bahnhoff is de Bahnhoff Noordholt an de Bahnlien Bremerhoben–Cuxhoben.