Weehoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27308 | |
| Vörwahl: | 04230 | |
| Geograafsche Laag: | Koordinaten:53° 0′ N, 9° 20′ O53° 0′ N, 9° 20′ O | |
|
| ||
Weehoff (hoochdüütsch Wedehof) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört Weehoff to de polietsche Oortschop Holbm.
Geografie
ännernDe Naveröörd sünd Ebersen in’n Noorden, Westerwals un Karkwals in’n Noordoosten, Süderwals in’n Oosten, Rahnhorst un Kreepm in’n Süüdoosten, Brammer un Deelsen in’n Süden, Holbm in’n Süüdwesten un Heidkroog in’n Noordwesten.
Historie
ännernWeehoff kummt 1548 as Wedehoff toeerst in de Oorkunnen vör. Dat weer fröher en Forsthuus.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort hett von öllers bi de Gemeen Holbm mit bihöört, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1812[2] | 8 |
| 1824[3] | 2 Füürsteden |
| 1848[4] | 5 Lüüd, 1 Huus |
| 1. Dezember 1871[5] | 12 Lüüd, 2 Hüüs |
| 1. Dezember 1885[6] | 14 Lüüd, 2 Hüüs |
| 1. Dezember 1905[7] | 11 Lüüd, 2 Hüüs |
Religion
ännernWeehoff is evangeelsch-luthersch präägt un höört to dat Kaspel von de Bartholomäus-Kark in Karkwals.
För de Kathoolschen is de St.-Josef-Kark in Veern tostännig.
Weertschop un Infrastruktur
ännernVerkehr
ännernAn Weehoff langs löppt de Kreisstraat 11, de in’n Süüdwesten över Holbm na Wall an de Bundsstraat 215 ran geiht un in’n Noordoosten in’n Landkreis Rodenborg as K 206 na Süderwals un Karkwals.
De nächste Autobahn is de Autobahn 27 (Afsnidd Bremen–Wasra). De Opfohrt 25 Veern-Noord liggt so acht Kilometer in’n Süüdwesten von Weehoff an de B 215.
De nächsten Bahnhööv sünd so bi twölv Kilometer wied weg in’n Süüdwesten de Bahnhoff Langwedel an de Bahnlienen Wunsdörp–Bremen un Ülzen–Langwedel un de Bahnhoff Veern an de Bahnlien Wunsdörp–Bremen. Disse Bahnhööv sünd ok inbunnen in dat Nett von de Regio-S-Bahn Bremen/Neddersassen.
Scholen
ännernVondaag gaht de Kinner ut Weehoff na de Grundschool Wall. Fröher sünd se in Süderwals na de Volksschool gahn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 242
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 640
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180