Westgermaansche Spraken

De westgermaanschen Spraken sünd en Deel vun de germaanschen Spraken, wat ene Spraakfamilie is.

To disse Spraakfamilie höört to:

• Hoochdüütsch
• Jiddisch
• Luxemborgsch
• Nedderlannsch
• Afrikaans
• Plattdüütsch
• Frees'sch
• Ingelsch
• Scots
• Wilmesausch

mit all de Spraken un Dialekten de dorvun afstammt.

Westgermaansch un Noordgermaansch hüüt

De gröttste Ünnerscheed twüschen de westgermaanschen un de noordgermaanschen Spraken is, dat de westgermaanschen den bestimmten Artikel vör dat Woord hebbt un de noordgermaanschen den bestimmten Artikel achter dat Woord anhangt.

Bispeel

• Westgermaansche Spraken:
• Neddersassisch: de Tiet, de Tieden
• Engelsch: the time, the times
• Nedderlandsch: de tijd, de tijden
• Hoochdüütsch: die Zeit, die Zeiten
• Ooltenglisch: sēo tīd, þā tīda
• Ooltsassisch: thiu tīd, thia tīdi
• Oolthoochdüütsch: diu zīt, dia zīti

• Noordgermaansche Spraken:
• Sweedsch: tiden, tiderna
• Norweegsch: tiden, tidene
• Ieslandsch: tíminn, tímar

Kritik an "Westgermaansch"

Na Menen vun den Spraakwetenschoppsmann Friedrich Maurer is "Westgermaansch" man en Konstrukt. Besünners draff en nich glöven, dat in ole Germaansche Tieden dat al so weer. So kann dat ook wesen, dat dat sonöömte "Noordseegermaansch" (Ingväonsche Spraken) fröher en Middelding twüschen Noord- un Binnengermaansch weer.

Literatur

• Friedrich Maurer: "Dichtung und Sprache des Mittelalters: Gesammelte Schriften", Bern, München: Francke 1971