Wilfried Wroost

Wilfried Wroost (Wilhelm Friedrich Wroost; * 13. September 1889 in Hamborg; † 14. August 1959 ok dor) weer en plattdüütschen Schriever.

Wroost is 1889 in Hamborg in de Erichstraat op Sankt Pauli as Söhn vun en Schippboer boren. He güng na Volksschool un mit 15 in’e Lehr bi Blohm un Voss. In’n Eersten Weltkrieg weer Wroost an de Oostfront. He keem 1916 sehr trüch. Över den Krieg hett he sien eerst Vertellen schreven, dor novch op Hoochdüütsch. He hett denn vör allen Stücken för’t Theater schreven. Ansiedelt in dat Havenmilieu vun Hamborg, dat he vun jung afan kennenlehrt harr. 1930 is he mit sien Fro na Bookholt tagen. Schreven hett he dor nu veel weniger. He güng in de NSDAP un harr ok welk Ämter in de Partei, ofschoonst he nich besünners polietsch weer un ok nich groot na de Ideologie vun de Natschonalsozialisten instellt. To Enn vun’n Tweten Weltkrieg keem he in belgische Fangenschop. As he wedder trüchkamen dee, harr he mit siene Bookholter Daag afslaten, dee nu wedder mehr schreven un is 1950 ok na Hamborg trüch. Wroost hett nu en Hümpel Stücken schreven un keen Johr bet to sien Dood 1959 is rümgahn, ahn dat welk vun siene Stücken toeerst opföhrt worrn sünd. Noch an’n Dag vun sien Dood harr he Plään för en nee Stück hatt, dat Jette mit de Muff heten schull.

In Bookholt is hüüt de Wilfried-Wroost-Weg na em nöömt.

Warken

Stücken

Slagsiet. Drama in dree Törns, Hanf, Hamborg 1920
Wrack. Volksstück in veer Törns, Hanf, Hamborg 1921
Peter Pink. Schwank in dree Törns, Richter, Hamborg 1922
30 000 Dollar. Lustspeel in ee Törn, Köhler, Hamborg 1930
Op Leben un Dod. Lustspeel in ee Törn, Köhler, Hamborg 1931
So is Pauline! Lustspeel, Mahnke, Veern 1948
Acht Daag vör de Hochtiet. Komödie in dree Törns, Hermes, Hamborg 1950
In Hamborg op St. Pauli. Komödie in dree Törns, Mahnke, Veern 1950
Mien Mann de fohrt to See... Komödie in dree Törns, Mahnke, Veern 1950
Ferdinand verpumpt sien Froon. Schwank in dree Törns, Mahnke, Veern 1953
De fofdigste Geburtsdag. Lustspeel in dree Törns, Mahnke, Veern 1956
Mit Stappenbeck stimmt wat nich! Lustspeel in een Törn, Mahnke, Veern 1956
Dat Herrschaftskind. Volkskomödie in dree Törns, Mahnke, Veern 1956
Een Mann mit Charakter. Volkskomödie in dree Törns, Mahnke, Veern 1957
Sprotten ut Mottenborg. Lustspeel in dree Törns, Mahnke, Veern 1957
Wenn du Geld hest.... Volkskomödie in dree Törns, Mahnke, Veern 1957
Wiewerlist geiht öwer Düwelslist. Lustspeel in een Törn, Mahnke, Veern 1958
Herr Staatsanwalt geiht angeln. Komödie in dree Törns, Mahnke, Veern 1958
Wenn man Meyer heet. Lustspeel in dree Törns, Mahnke, Veern 1958
De Kortenleggersch. Lustspeel in veer Törns, Mahnke, Veern 1962

Böker

Vadder Soodmann. Een Geschicht von de Hamborger Woterkant. Westermann, Brunswiek 1919
Fiete Kiekbusch. De Geschicht von een Hamborger Jung. Hanf, Hamborg 1921
Peter Pink. Westermann, Brunswiek 1922
Lot mi an Land. Een Hupen Döntjes von de Hamburger Woterkant. Köhler & Krüger, Hamborg 1925
Lütt un Lütt. 'ne Handvull nee' lütte Hamborger Döntjes un lütte lustige Geschichten. Köhler, Hamborg 1927
Gastweert Goebels Swiegersöhn. ’ne lustige plattdütsche Geschicht. Cordes, Kiel/Leipzig 1930
Minschen bi’n Michel. Lustige Hamborger Geschichten. Köhler, Hamborg 1954

Översetten

Mein Onkel Kaspar. Na John Brinckman sien Vertellen Kasper Ohm un ick Westermann, Brunswiek 1928

Upföhrungen ut’ Ohnsorg-Theater

1955: Das Herrschaftskind - Speelbaas: Hans Mahler, mit Walter Scherau, Heidi Kabel, Vera Gruber, Georg Pahl, Heini Kaufeld
1961: Ein Mann mit Charakter - Speelbaas: Hans Mahler, mit Walter Scherau, Heidi Kabel, Ernst Grabbe, Günter Lüdke, Jochen Schenck
1966: Gastwirt Goebel - Speelbaas: Günther Siegmund, mit Otto Lüthje, Erna Raupach-Petersen, Ulla Mahrt, Karl-Heinz Kreienbaum
1968: Die Kartenlegerin - Speelbaas: Hans Mahler, mit Heidi Kabel, Edgar Bessen, Otto Lüthje, Jochen Schenck, Willy Millowitsch
1969: Ein Mann mit Charakter - Speelbaas: Hans Mahler, mit Heidi Kabel, Werner Riepel, Heidi Mahler, Jürgen Pooch, Gertrud Prey, Hanno Thurau
1971: Mein Mann, der fährt zur See - Speelbaas: Günther Siegmund, mit Christa Wehling, Edgar Bessen, Herma Koehn, Henry Vahl, Otto Lüthje
1972: Das Herrschaftskind - Speelbaas: Günther Siegmund, mit Werner Riepel, Heidi Kabel, Heidi Mahler, Heinz Lanker
1977: Wenn du Geld hast - Speelbaas: Karl-Heinz Kreienbaum, mit Heidi Kabel, Werner Riepel, Jürgen Pooch, Heidi Mahler, Edgar Bessen
1979: Ein Mann mit Charakter - mit Heidi Kabel, Werner Riepel, Beate Kiupel, Jürgen Pooch, Hilde Sicks
1985: Mein Mann, der fährt zur See - Speelbaas: Jochen Schenck, mit Herma Koehn, Rolf Bohnsack, Klaus Granzow, Manfred Bettinger, Ursula Hirichs
1988: Wenn du Geld hast - Speelbaas: Hans Timmermann, mit Heidi Kabel, Werner Riepel, Jürgen Pooch, Heidi Mahler
1990: Ein Mann mit Charakter - Speelbaas: Wilfried Dziallas, mit Heidi Kabel, Werner Riepel, Beate Kiupel, Michael Maass, Christa Wehling
1996: Wenn man Meyer heißt - Speelbaas: Wilfried Dziallas, mit Fritz Hollenbeck, Uta Stammer, Uwe Detlef Jessen, Oskar Ketelhut.

Weblenken

Wilfried Wroost in de Datenbank Die niederdeutsche Literatur (hoogdüütsch)
Wilfried Wroost in de Internet Movie Database (engelsch)