Wulmsdörp (Landkreis Horborg)

Wapen/Flagg

Koort

Basisdaten

Bundsland: Neddersassen

21629

040

Koordinaten:53° 27′ N, 9° 48′ O53° 27′ N, 9° 48′ O

Wulmsdörp (hoochdüütsch Wulmstorf) is en Dörp in de Gemeen Vosshusen in’n Landkreis Horborg, Neddersassen. Binnen de Gemeen höört de Oort to de Oortschop Vosshusen.

Geografie

In’n Oosten un Süüdoosten von Wulmsdörp is dat Gelänn von de Fischbeker Heid un de Horbörger Bargen präägt. De Oort liggt op en Höögd von 48 bet 57 Meter över de See.

De Naveröörd sünd Vosshusen in’n Noorden, Fischbeek un Neegraven in’n Noordoosten (de beiden höört to Hamborg), Tempelbarg in’n Oosten, Doasdörp in’n Süden, Swiersdörp, Ilsdörp un Arsdörp in’n Süüdwesten un Ketzendörp un Öbergünn in’n Westen.

Historie

Wulmsdörp kummt 1197 toeerst in en Oorkunn vör, in de de nobiles von Buxthu Land in Wulmsdörp an dat ole Klooster bi Buxthu afgeevt. De Naam kummt wohrschienlich von Wulfmer sien Dörp.

In de Franzosentied von 1810 bet 1814 hett de Oort to de Mairie Mesborg in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to dat Amt Mesborg tohöört un is denn Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en gröttern Landkreis Horborg worrn.

Von Wulmsdörp ut is 1835 de Anbo Nee Wulmsdörp oder Vosshusen anleggt worrn, de mit de Tied jümmer mehr anwussen is. Na’n Tweten Weltkrieg weer de Anbo denn al grötter as Wulmsdörp sülvs. An’n 1. Mai 1964 sünd de Enklaven „Bredenheid“ (Ketzendörp) un „Ilsdörper Moor“ (Ilsdörp) Deel von de Gemeen Wulmsdörp worrn. Un an'n 11. Dezember 1964 hett de Gemeen Wulmsdörp sien Naam ännert op den von’n Anbo — „Neu Wulmstorf“. An'n 1. Januar 1970 is de Gemeen Doasdörp en Oortschop vun de Gemeen worrn. An’n 1. Juli 1972 sünd de Gemenen Ilsdörp (mit Arsdörp un Höll), Raa (mit Mienenbüddel un Ömbüddel), Rübk un Swiersdörp Oortschopen in de Gemeen Vosshusen worrn.

Inwahnertall

Johr	Inwahners
1791-00-001791^[1]	15 Füürsteden
1812-00-001812^[2]	176
1848-00-001848^[3]	230 Lüüd, 39 Hüüs
1871-12-011. Dezember 1871^[4]	172 Lüüd, 32 Hüüs
1885-12-011. Dezember 1885^[5]	174 Lüüd, 24 Hüüs
1905-12-011. Dezember 1905^[6]	140 Lüüd, 25 Hüüs
1910-12-011. Dezember 1910^[7]	348*
1925-00-001925^[8]	408*
1933-00-001933^[8]	490*
1939-00-001939^[8]	562*

* tohoop mit Vosshusen un Wulmsdörpermoor

Religion

Wulmsdörp is evangeelsch-luthersch präägt un höört to dat Kaspel von de Nicolai-Kark in Ilsdörp.

För de Kathoolschen is de Marien-Kark in Buxthu tostännig.

Gemeenvörsteihers/Börgermeesters

^[9]

Tied	Naam	Partei
1862–30. Mai 1865	Christian Peters
1. Juni 1865–21. April 1871	Peter Mojen
22. April 1871–31. Mai 1877	Peter Meyer
1. Juni 1877–2. Mai 1883	Heinrich Martens
3. Mai 1883–16. Mai 1895	Johann Lohmann
17. Mai 1895–16. März 1905	Wilhelm Peters
1. Juni 1901–5. April 1913	Peter Meyer
6. April 1913–20. April 1916	Peter Mojen
20. Juni 1916–26. Juni 1919	Heinrich Martens
27. Juni 1919–29. September 1933	Wilhelm Hillermann
29. September 1933–Mai 1945	Ernst Peters
Mai 1945–19. April 1946	Wilhelm Hillermann
19. April 1946–17. Dezember 1948	Otto Hauschild
17. Dezember 1948–14. Dezember 1954	Ernst Peters
14. Dezember 1954–16. Oktober 1964	Karl Marin
16. Oktober 1964–22. Oktober 1968	Heinz Wanke	CDU
22. Oktober 1968–19. Februar 1969	Karl Marin
19. Februar 1969–9. Januar 1970	Klaus Hansen
10. April 1970–30. Juni 1972	Karl Marin

Kultur

Verenen

En Plichtfüürwehr is 1902 in Wulmsdörp inricht worrn. De hett sik denn 1935 mit de Plichtfüürwehr in Doasdörp tohoopdann un denn en freewillige Füürwehr billt.

Weertschop un Infrastruktur

In’n Westen von dat Dörp steiht en lütt Windpark mit dree Windrääd.

Verkehr

Oortsschild mit’n plattdüütschen Naam

Dör Wulmsdörp löppt de Landsstraat 235, de in’n Noorden na Vosshusen an de Bundsstraat 73 ran geiht un in’n Süüdwesten na Ilsdörp an de Bundsstraat 3 ran. Lüttjere Straten gifft dat ans na Tempelbarg un Ketzendörp.

De nächste Autobahn is de Autobahn 1. De Opfohrt 44 Raad liggt so negen Kilometer in’n Süden von Wulmsdörp.

De nächste Bahnhoff is so bi ölven Kilometer wied weg in’n Noordwesten de Bahnhoff Buxthu an de Nedderelvbahn, aver de S-Bahnhoff von de S 3 in Vosshusen liggt man veer Kilometer wied weg in’n Noorden.

Footnoten

↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 259
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 133
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78
↑ Inwahnertallen op gemeindeverzeichnis.de
↑ ^a ^b ^c Inwahnertallen op verwaltungsgeschichte.de
↑ Dagmar Müller-Staats: Von Voßhusen nach Neu Wulmstorf. Neu Wulmstorf 2000, S. 95.

Öörd in de Gemeen Vosshusen

[Scharf-1] Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 259

[Lasius-2] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58

[HarseimSchluter-3] Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100

[GemGutsbPreu-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 133

[gemeindelexikon1885-5] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146

[gemeindelexikon1905-6] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78

[gemeindeverzeichnis-7] Inwahnertallen op gemeindeverzeichnis.de

[verwaltungsgeschichte-8] Inwahnertallen op verwaltungsgeschichte.de

[9] Dagmar Müller-Staats: Von Voßhusen nach Neu Wulmstorf. Neu Wulmstorf 2000, S. 95.

[1]

[2]

[3]

[4]

[5]

[6]

[7]

[8]

[9]