Lütt Aasp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27449 | |
| Vörwahl: | 04762 | |
| Geograafsche Laag: | Koordinaten:53° 28′ N, 9° 21′ O53° 28′ N, 9° 21′ O | |
|
| ||
Lütt Aasp (hoochdüütsch Klein Aspe) is en Oort in de Gemeen Kutenhult (Samtgemeen Freenbeek) in’n Landkreis Stood, Neddersassen.
Geografie ännern
De Oort liggt op de Stoder Geest. Dat Land ümto is deelwies Moor. Dat Water ut dat Rebeed flütt över Gravens na de Bever hen af.
De Naveröörd sünd Bokel un Wehl in’n Noordoosten, Frankenmoor un Groot Aasp in’n Oosten, Brest in’n Süüdoosten, Bredenbeek in’n Süden, Baast in’n Süüdwesten, Soors in’n Westen un Kutenhult in’n Noordwesten.
Historie ännern
Lütt Aasp is as Anbo von Aasp ut grünnt worrn.
Verwaltungsgeschicht ännern
Vör 1852 weer de Oort in de Böörd Mulsen von dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
De Oort hett jümmer bi de Gemeen Aasp mit bihöört, de an’n 1. Juli 1972 mit de Gemeenreform in Neddersassen Deel von de Gemeen Kutenhult worrn is.
Inwahnertall ännern
| Johr | Inwahners |
|---|---|
| 1. Dezember 1871[1] | 73 Lüüd, 14 Hüüs |
| 1. Dezember 1885[2] | 68 Lüüd, 13 Hüüs |
| 1. Dezember 1905[3] | 83 Lüüd, 13 Hüüs |
Religion ännern
Lütt Aasp is evangeelsch-luthersch präägt un höört to dat Kaspel Mulsen.
För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.
Weertschop un Infrastruktur ännern
För Lütt Aasp is de freewillige Füürwehr Aasp mit tostännig.
Verkehr ännern
Dör Lütt Aasp löppt de Landsstraat 123, de in’n Westen över Kutenhult un Heesdörp na Bremervöör an de Bundsstraat 71 ran geiht un in’n Oosten över Aasp un Bargst na Hornborg an de B 73 ran.
De nächste Autobahn is de Autobahn 26 (Afsnidd Stood–Hamborg). De Opfohrten 3 Stood-Oost un 5 Hornborg doot all beid so 21 Kilometer in’n Noordoosten von Lütt Aasp liggen.
De nächste Bahnhoff is so bi dree Kilometer wied weg in’n Süüdoosten de Bahnhoff Brest-Aasp an de Bahnlien Bremerhoben–Buxthu.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158