Olenbrook (Landkreis Cuxhoben)

Olenbrook (hoochdüütsch Altenbruch) is en Oort in de Gemeen Cuxhoben in’n Landkreis Cuxhoben, Neddersassen.

Wapen/Flagg

Koort

Basisdaten

Bundsland: Neddersassen

34,45 km²

4.004 (2005-03-3131. März 2005)

Inwahnerdicht:

116,2 Inwahners pro km²

1 m över NN

27478

04722

Koordinaten:53° 49′ N, 8° 46′ O53° 49′ N, 8° 46′ O

Geografie

Olenbrook liggt in de Masch glieks bi de Münn von de Elv in de Noordsee.

De Naveröörd sünd Wehldörp un Müggendörp in’n Oosten, de Worth in’n Süden, dat Westerenn von de Worth in’n Süüdwesten un Groden in’n Noordwesten.

Dat Westerenn von Olenbrook liggt so twee Kilometer na’n Westen dicht bi Groden.

Bi Olenbrook münnt de Braak in de Elv. An de Münn gifft dat en lütten Haven un den Lüchttoorn Dicke Berta. In de Neegd steiht ok de Slanke Anna,

Historie

1280 warrt dat eerste Maal in de Oorkunnen von en Pastoor in Olenbrook snackt. De Maschbuurn in Olenbrook weren in’n Vergliek temlich riek, wat ok an de prächtige Kark to kennen weer.

Olenbrook hett fröher to dat egenstännige Land Hadeln tohöört un von 1852 af an denn to dat Amt Oterndörp. 1885 is de Oort Deel von’n Kreis Hadeln worrn un 1932 von’n Landkreis Land Hadeln. 1977 is dat denn an’n Landkreis Cuxhoben kamen.

Bi de Kark steiht ok de Villa Gehben, de 1908 von Ernst Gehben boot worrn is, de von Olenbrook na Amerika utwannert weer, Geld maakt harr un denn na Olenbrook trüggkeem. 1958 hebbt Gehben sien Nakamen dat Huus an de Gemeen Olenbrook verköfft, de dat denn bet 1972 as Raadhuus bruukt hett.

In’n Tweten Weltkrieg sünd 349 Soldaten ut Olenbrook fullen oder vermisst^[1].

An’n 1. Juli 1972 is Olenbrook mit de Gemeenreform in Neddersassen denn Deel von de Gemeen Cuxhoben worrn.

Inwahnertall

Johr	Inwahners
1824-00-001824^[2]	363 Füürsteden
1848-00-001848^[3]	2.440 Lüüd, 363 Hüüs
1858-00-001858^[4]	2.433
1890-00-001890^[5]	2.079
1910-12-011. Dezember 1910^[6]	2.588
1925-00-001925^[5]	2.744
1933-00-001933^[5]	2.894
1939-00-001939^[5]	2.978
2005-03-3131. März 2005	4.004

Religion

Kark in Olenbrook

Olenbrook is evangeelsch-luthersch präägt un billt mit de St.-Nicolai-Kark en egen Kaspel. De Kark gellt as een von de Buurndööm in Hadeln.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Wapen

Dat Wapen wiest op sülvern Grund un op grönen Schildfoot mit twee sülvern Wellenlienen op en rode Kark mit twee Toorns un blau Dack. De Schildfoot steiht för de Laag in de Masch an de Elv un de Kark för de St.-Nicolai-Kark.

Oortsbörgermeesters

-1981: Jan Hoppe (SPD)
1981-2004: Werner Schütt (CDU)
2004-: Jörg-Heinrich Ahlemeyer (CDU)

Kultur

In Olenbrook gifft dat en Denkmaal för de Fullenen ut de twee Weltkrieg’.

Museums

In Olenbrook gifft dat dat U-Boot-Archiv, dat 1959 von Horst Bredow grünnt worrn is un Infos över all de U-Bööd op de Welt sammelt. To dat Archiv höört ok en lütt Museum.

Verenen

De Schützenvereen is an’n 24. Januar 1910 grünnt worrn un de Freewillige Füürwehr 1892.

Partnerschoppen

Olenbrook hett 1985 en Partnerschop mit Sulniac in Frankriek anfungen.

Weertschop un Infrastruktur

Verkehr

Oortsschild mit plattdüütschen Naam

Olenbrook liggt an de Bundsstraat 73, de in’n Noordwesten na Groden un Cuxhoben löppt un in’n Oosten na Oterndörp un Neehuus. In’n Süden löppt de Kreisstraat 5 na de Worth un Wannen. De Kreisstraat 4 geiht na Oosten över Wehldörp un Müggendörp na Oterndörp.

Dat Westerenn von Olenbrook liggt dicht bi Groden un an de Autobahn 27 (Afsnidd Cuxhoben–Bremerhoben). Op de Autobahn rop kummt een över de Opfohrt 1 Cuxhoben.

De nächste Bahnhoff is in Cuxhoben an de Bahnlien Bremen-Cuxhoben un de Nedderelvbahn na Hamborg, wat so bi söven Kilometer weg is. Fröher harr Olenbrook ok en egen Bahnhoff an de Nedderelvbahn (1881 boot), aver 1991 hebbt de Töög ophöört, in Olenbrook to stoppen.

Olenbrook höört ok to de Öörd, de tweesprakige Oortsschiller mit’n plattdüütschen un hoochdüütschen Naam kregen hebbt.