Amtsgericht Achem

Dat Amtsgericht Achem is een von de teihn Amtsgerichten in’n Landgerichtsbezirk Veern. Dat hett sien Seet in de Obernstraat 40 in Achem in’n Landkreis Veern.

Överornt Gerichten

Dat Amtsgericht Achem sünd in’n Instanzentog dat Landgericht Veern, dat Oberlandsgericht Celle un de Bundsgerichtshoff in Karlsruhe överornt.

Den Gerichtsbezirk billt de Gemenen Achem, Rier, Eiten, Otterbarg, Emhusen, Thänhusen un Blenner von’n Landkreis Veern.

Siet 2005 is dat Amtsgericht Wasra för dat Hannels-, Genossenschafts- un Vereensregister in’n kumpletten Landgerichtsbezirk Veern tostännig. Dat Partnerschopsregister warrt siet 1. August 2005 zentraal bi dat Amtsgericht Hannover föhrt.

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Achem is dor denn blangen dat Amt Achem nee schapen worrn. De Grenzen von Amt un Amtsgerichtsbezirk weren desülven. Dat Gericht stünn toeerst ünner dat Obergericht Veern, von 1879 af an ünner dat Landgericht Veern.

1859 is dat Amtsgericht Otterbarg oplööst worrn. De Gemeen Hu’e un dat Kaspel Otterst ut’n Amtsgerichtsbezirk Otterbarg sünd dorbi Deel von’n Bezirk von dat Amtsgericht Achem worrn.

Amtsrichters/Präsidenten

~1858: Diedrich Nicolaus von der Decken
opstunns: Sabine Reinicke

Kiek ook bi

List von de Amtsgerichten in dat Königriek Hannover

Weblenken

Websteed von dat Amtsgericht Achem (hoochdüütsch)
Översicht över de Rechtsspröök von dat Amtsgericht Achem (hoochdüütsch)

Koordinaten:53° 1′ N, 9° 2′ O

Amtsgerichten in’n Obergerichtsbezirk Veern (1852–1879)

Amtsgerichten in’n Landgerichtsbezirk Veern