Hauptmenü öffnen

GeografieÄnnern

Bookholt liggt op de Zevener Geest an’n Rand von dat Düvelsmoor, dat na Westen to liggt. Annerthalv Kilometer in’n Oosten flütt de Wall langs.

De Naveröörd sünd Wilst in’n Noorden, Dipshoorn un Vörwark in’n Noordoosten, Otterst un Otterbarg in’n Süüdoosten, Quelkhoorn in’n Süden, Rutendorp in’n Süüdwesten un Huxfeld un Schmalenbeck in’n Westen.

HistorieÄnnern

Bookholt kummt 1124 as Bucholthe toeerst in en Oorkunn von dat Klooster Rastäe vör.

Na’n Eersten Weltkrieg hett sik 1919 ok in Bookholt för korte Tied en Inwahnerwehr billt. In’n Tweten Weltkrieg is an’n Rand von dat Düvelsmoor en düütschen Jäger afstört.

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Amtsvaagdie Wilst in dat Amt Otterbarg tohöört un denn von 1859 bet 1885 to dat Amt Zeven. Na 1885 weer dat in’n Kreis Zeven, is 1932 Deel von’n Kreis Bremervöör worrn un 1977 von’n Landkreis Rodenborg.

De Oort is an’n 1. März 1974 mit de Gemeenreform in Neddersassen tohoop mit Vörwark un Dipshoorn Deel von de Gemeen Vörwark worrn.

InwahnertallÄnnern

Johr Inwahners
1793-00-001793[1] 13 Füürsteden
1812-00-001812[2] 128
1824-00-001824[3] 22 Füürsteden
1848-00-001848[4] 171 Lüüd. 24 Hüüs
1871-12-011. Dezember 1871[5] 179 Lüüd. 32 Hüüs
1910-12-011. Dezember 1910[6] 174
1933-00-001933[7] 225
1939-00-001939[7] 207

ReligionÄnnern

Bookholt is evangeelsch-luthersch präägt un höört to dat Kaspel von de Petri-Kark in Wilst.

För de Kathoolschen is de Corpus-Christi-Kark in Rodenborg tostännig.

WapenÄnnern

Dat Wapen von Bookholt wiest op sülvern Grund dree gröne Bökenbläder.

KulturÄnnern

In Bookholt gifft dat en lütten Ilexwoold mit ruchweg dörtig Bööm un dicht bi op’n Holtbarg en poor bannig olle Kratteken.

VerenenÄnnern

De Turnvereen Bookholt is 1913 grünnt worrn. In de Tied von’n Natschonalsozialismus is de Vereen oplööst, denn aver 1946 wedder nee grünnt worrn. De Aktivität in’n Vereen is bilütten toslapen.

De Kriegervereen in Bookholt is 1920 grünnt worrn. He is later von de SA övernahmen worrn.

De Heimatvereen Bookholt is an’n 4. Juni 1991 grünnt worrn. Disse Vereen hett 1992 ok de plattdüütsche Theatergrupp övernahmen, de al siet 1946 Stücken opföhrt hett.

Weertschop un InfrastrukturÄnnern

Bookholt hett en egene freewillige Füürwehr, de 1942 grünnt worrn is. Vörher hett dat en Plichtfüürwehr geven.

VerkehrÄnnern

Dör Bookholt löppt de Kreisstraat 113, de in’n Noorden na Wilst un in Tarmst an de Landsstraat 133 ran geiht un in’n Süden in’n Landkreis Veern as K 3 na Quelkhoorn an de L 154. Ans gifft dat blots en lüttjere Straat na Dipshoorn.

De nächste Autobahn is de Autobahn 1 (Afsnidd HamborgBremen). De Opfohrt 50 Stuckenbossel liggt so twölv Kilometer in’n Süüdoosten von Bookholt an de L 168.

De nächste Bahnhoff is so bi teihn Kilometer wied weg in’n Süüdoosten de Bahnhoff Otterbarg an de Bahnlien Hamborg–Bremen.

ScholenÄnnern

Bookholt harr fröher en egen Volksschool. Nadem de School in Bookholt 1972 dichtmaakt hett, gaht de Kinner nu na de Grundschool Wilst.

FootnotenÄnnern

  1. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 41: https://books.google.de/books?id=jN5QAAAAcAAJ&pg=RA1-PA41
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
  3. C. H. Jansen: Statistisches Handbuch des Königreichs Hannover. 1824, Sied 98: http://books.google.de/books?id=tG0AAAAAcAAJ&pg=RA1-PA98
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
  6. http://www.gemeindeverzeichnis.de/gem1900/gem1900.htm?hannover/zeven.htm
  7. a b http://www.verwaltungsgeschichte.de/bremervoerde.html