Breddörpermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27412 | |
| Vörwahl: | 04794 | |
| Geograafsche Laag: | Koordinaten:53° 17′ N, 9° 0′ O53° 17′ N, 9° 0′ O | |
|
| ||
Breddörpermoor (hoochdüütsch Breddorfermoor) is en lütten Oort in de Gemeen Breddörp (Samtgemeen Tarms) in’n Landkreis Rodenborg, Neddersassen.
Geografie
ännernBreddörpermoor liggt in’n Oosten von dat Düvelsmoor. Dat Water ut dat Rebeed warrt över Gravens na’n Rummeldeisbeek hen afföhrt.
De Naveröörd sünd Hanst un Breddörp in’n Noordoosten, Hepst in’n Süüdoosten, Nee Sankt Jürgen in’n Süden, Huttenbusch un Fiefhusen in’n Süüdwesten, Nee-Heudorp un Heudorp in’n Westen un Oostersood in’n Noordwesten.
Historie
ännernBreddörpermoor is as lüttje Moorsiedlung von Breddörp ut grünnt worrn.
Verwaltungsgeschicht
ännernDe Oort hett vör 1885 to dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
Inwahnertall
ännern| Johr | Inwahners |
|---|---|
| 1. Dezember 1905[1] | 21 Lüüd, 5 Hüüs |
Religion
ännernBreddörpermoor is evangeelsch-luthersch präägt un höört to dat Kaspel von de Kark Huttenbusch. De Oort weer bet 1911 Deel von dat Kaspel von de Lamberti-Kark in Karktimk. In dat Johr is de Oort aver in dat Kaspel von de Zion-Kark in Worpsweed wesselt un dor in’n Parrbezirk Huttenbusch. De is denn 1951 en egenstännige Karkengemeen worrn.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
ännernVerkehr
ännernVon Breddörpermoor loopt lüttjere Straten na Breddörp an de Kreisstraat 114 un na Huttenbusch un Heudorp an de Landsstraat 165. De L 165 geiht in’n Süden an de L 153 un in’n Noorden na Korlshöben. De L 153 wedder föhrt in’n Westen na Pennigbüttel bi Oosterholt-Scharmbeek an de Bundsstraat 74 un in’n Süden na Worpsweed un op Leendaal to. De K 114 löppt von Breddörp ut in’n Noordoosten na Rhaar an de L 122 un in’n Süden över Hepst na Tarms an de L 133.
De Opfohrt 17 Dreeeck Bremen-Industriehavens op de Autobahn 27/281 liggt so bi 27 Kilometer wied in’n Süüdwesten.
De nächste Bahnhoff is so bi 19 Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben.
Footnoten
ännern- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 194
