Doornbusch

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Drochters
Inwahners:	1.176 (2011-12-3131. Dezember 2011)
Postleettall:	21706
Vörwahl:	04143
Geograafsche Laag:	53° 44′ N, 9° 21′ O

Doornbusch (hoochdüütsch Dornbusch) is en Dörp in de Gemeen Drochters in’n Landkreis Stood, Neddersassen. Blangen dat Dörp Doornbusch höört dor ok de Hööv in Doornbuschermoor to.

Geografie

De Naveröörd sünd Neeland un Wischhoben in’n Noorden, Kruutsand in’n Oosten, Drochters in’n Süüdoosten, Hüll in’n Süüdwesten un Wulfsbrokermoor in’n Westen.

Historie

In de Oorkunnen kummt Doornbusch toeerst 1361 as Dornebusch vör.

Al in dat 19. Johrhunnert is Doornbusch Deel von de Gemeen Drochters worrn.

Inwahnertall

Johr	Inwahners
1824-00-001824	121 Füürsteden
1848-00-001848	833 Lüüd, 129 Hüüs
2011-12-3131. Dezember 2011	1.176

Religion

Doornbusch is evangeelsch-luthersch präägt un Deel von dat Kaspel Drochters.

För de Kathoolschen is de Hillig-Geist-Kark in Stood tostännig.

Wapen

Dat Wapen von Doornbusch wiest op grönen Grund en grönen Boom mit rode Blomen.

Kultur

Verenen

De Schützenvereen Doornbusch is 1914 grünnt worrn. De Freewillige Füürwehr harr Doornbusch vör 1935 mit Wulfsbrokermoor tohoop, is denn aver en Oortswehr binnen de Füürwehr von Drochters worrn.

Weertschop un Infrastruktur

De Volksbank Keden hett in Doornbusch in de Doornbuscher Straat 74 en Filiaal. De Kreisspoorkass Stood harr in Doornbusch in de Doornbuscher Straat 32a en Filiaal, de to’n 28. Februar 2017 dichtmaakt hett.

Verkehr

Doornbusch liggt an de Landsstraat 111, de in’n Süüdoosten na Drochters un denn wieder na Stood geiht un in’n Noordwesten na Wischhoben un Freiborg löppt. Von de L 111 gaht na Noordwesten de Kreisstraat 19 na Kruutsand un de Kreisstraat 65 na Hüll af.

Von 1899 bet 1933 harr dat Dörp ok en Bahnhoff an de Kedener Kreisbahn.

Scholen

Dat Dörp hett mit de Grundschool Doornbusch en egen Grundschool mit twölf Schoolmeesters un üm un bi 150 Schölers (Stand 2011/2012).

Literatur

• Drochtersen mit seinen Ortsteilen Dornbusch, Krautsand und Nindorf in alten Ansichten. 2009

Footnoten

Öörd in de Gemeen Drochters

Aßel mit Ritsch un Barnkroog | Doornbusch | Drochters | Hüll | Kruutsand