Eckeleh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27638 | |
| Vörwahl: | 04705 | |
| Geograafsche Laag: | Koordinaten:53° 38′ N, 8° 31′ O53° 38′ N, 8° 31′ O | |
|
| ||
Eckeleh (hoochdüütsch Eckelehe) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Wreem mit bi.
Geografie
ännernDe Oort liggt in de Masch von Land Wusten. De Noordsee is so üm un bi 700 Meter in’n Westen. Dat Water ut dat Rebeed flütt över Gravens na de Wremer Waterlöös hen af.
De Naveröörd sünd Wreem un Wremerbüttel in’n Noorden, Mulsen un Sassendingen in’n Noordoosten, Sievern in’n Oosten, Langen un Dingen mit Barward in’n Süüdoosten, Schottwarden, Hülsen un Ilkenborg in’n Süden un Hofe, Hungerhörn un Wremerdeep in’n Noordwesten.
Historie
ännernDe Oort bestünn fröher ut dree Hööv, von de siet dat 19. Johrhunnert blots noch de Hoff von de Familie Sierck nableven is.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Wreem in’n Kanton Dourm höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Süder-Veerdel von dat Kaspel Wreem un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Wreem Deel von de Samtgemeen Land Wusten worrn. To’n 1. Januar 2015 is de Gemeen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
ännern| Johr | Inwahners |
|---|---|
| 1791[1] | 3 Füürsteden |
| 1824[2] | 3 Füürsteden |
| 1. Dezember 1871[3] | 6 Lüüd, 1 Huus |
Religion
ännernEckeleh is evangeelsch-luthersch präägt un höört to dat Kaspel von de Willehadi-Kark in Wreem.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
ännernVerkehr
ännernAn Eckeleh langs löppt de Landsstraat 129, de in’n Noordoosten na Wreem, Mulsen, Dorum un Millm geiht un in’n Süüdoosten över Dingen un Weddewarden na Speckenbüttel. Von Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 6 Bremerhoben-Överseehavens liggt so 13 Kilometer in’n Süüdoosten von Eckeleh an de Cherbourger Straat un de Opfohrt 5 Debst üm un bi 13 Kilometer in’n Oosten von Eckeleh an de L 120.
De nächste Bahnhoff is so bi dree Kilometer wied weg in’n Noordoosten de Bahnhoff Wreem an de Bahnlien Bremerhoben–Cuxhoben.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 66
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154