Frankenborg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28865 | |
| Vörwahl: | 04298 | |
| Geograafsche Laag: | Koordinaten:53° 10′ N, 8° 54′ O53° 10′ N, 8° 54′ O | |
|
| ||
Frankenborg (hoochdüütsch Frankenburg) is en Oort in de Gemeen Leendaal in’n Landkreis Oosterholt, Neddersassen.
Geografie ännern
De Oort liggt in dat siede Land an de Wümm un an dat Düvelsmoor. De Oort liggt op en lüttje Geestinsel in düsse Landschop. Dat Water ut dat Rebeed flütt över dat Karkenfleet un de Ole Worp na de Wümm un Hamm. Ok de Semkenfohrtkanaal löppt nich wied von Frankenborg langs. In’n Süüdwesten liggt dat Naturschuulrebeed Truper Blänken.
De Naveröörd sünd Worpheim un Westerweed in’n Noorden, Lüninghusen, Lüningsee un Worphusen in’n Noordoosten, Lüttmoor un Kloostermoor in’n Oosten, Trupermoor un Falkenbarg in’n Süüdoosten, Moorhusen, Leendaal un Feldhusen in’n Süden, Gehrden un Höög in’n Süüdwesten un Öberenn, Wührn un Millbüern in’n Noordwesten.
Historie ännern
Frankenborg hett fröher Törfmoor heten. Eerst 1921 hett de Gemeen ehren Naam ännert. Dat weer von wegen dat in de Tied von Korl den Groten siene Sassenkriege bi de Höög en Borg von de Franken bestahn hebben schall. De süden Deel von dat Dörp Törfmoor is dorüm al vörher Frankenborg nöömt worrn un 1921 is düsse Naam ok de offizielle Naam von de Gemeen worrn.
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Törfmoor in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Sankt Jürgen in’n Kanton Leendaal.
De Oort hett vör 1885 to de Vaagdie Sankt Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.
De Oort weer fröher en egen Gemeen. An’n 1. April 1937 is Frankenborg Deel von de Gemeen Sankt Jürgen worrn, de mit de Gemeenreform in Neddersassen an’n 1. März 1974 an de Gemeen Leendaal kamen is.
Inwahnertall ännern
| Johr | Inwahners |
|---|---|
| 1791[1] | 27 Füürsteden |
| 1812[2] | 141 |
| 1824[3] | 23 Füürsteden |
| 1848[4] | 262 Lüüd, 42 Hüüs |
| 1. Dezember 1871[5] | 267 Lüüd, 47 Hüüs |
| 1. Dezember 1885[6] | 234 Lüüd, 48 Hüüs |
| 1. Dezember 1905[7] | 266 Lüüd, 51 Hüüs |
| 1. Dezember 1910[8] | 253 |
| 1925[9] | 223 |
Religion ännern
Frankenborg is evangeelsch-luthersch präägt un höört to dat Kaspel von de Jürgen-Kark in St. Jürgen.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
De Oort hett en egen Karkhoff an de Straat Achter’n Barg.
Weertschop un Infrastruktur ännern
För Frankenborg is de freewillige Füürwehr St. Jürgen tostännig, de ehr Sprüttenhuus ok in Frankenborg hett. De Wehr is 1940 grünnt worrn. Dat Sprüttenhuus an de Kreisstraat 8 is 2018 utboot worrn.
In Frankenborg hett de Volksbank Bremen-Noord en Filiaal.
Verkehr ännern
Dör Frankenborg löppt de Kreisstraat 8, de in’n Westen över Wührn, Millbüern, Veerhusen, Nedderenn na Hu’e to geiht un in’n Oosten bi Trupermoor na de Landsstraat 133.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so 13 Kilometer in’n Süden von Frankenborg an de Leendaler Heerstraat.
De nächsten Bahnhööv sünd so bi ölven Kilometer wied weg in’n Westen de Bahnhööv Hu’e un Oosterholt-Scharmbeek an de Bahnlien Bremen–Bremerhoben.
Scholen ännern
De Kinner ut Frankenborg gaht na de Grundschool Worphusen. De Grundschool Frankenborg hett mit dat Enn von dat Schooljohr 2015/2016 dichtmaakt. Dor is nu en Kinnergoorn intagen.[10]
De School is 1879 grünnt worrn un dor güngen toeerst de Schölers ut de Öörd Öberenn, Lüttmoor un Törfmoor hen. De ole School weer in dat Johr na en Blitzslagg afbrennt.[10]
Lüüd ännern
Dat Schauspeler-Ehpoor Annelore, borene Kunze, un Erwin Wirschaz hebbt in Frankenborg leevt.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 229
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 604
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de
- ↑ Inwahnertallen op verwaltungsgeschichte.de
- ↑ a b Johannes Kessels: Nach 250 Jahren ist jetzt Schluss. Weser-Kurier an’n 26. Juni 2016