Wührn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28865 | |
| Vörwahl: | 04298 | |
| Geograafsche Laag: | Koordinaten:53° 11′ N, 8° 51′ O53° 11′ N, 8° 51′ O | |
|
| ||
Wührn (hoochdüütsch Wührden) is en Dörp in de Gemeen Leendaal in’n Landkreis Oosterholt, Neddersassen.
Geografie
ännernDe Oort liggt in dat siede St.-Jürgensland. Dat Water ut dat Rebeed flütt över Gravens na dat Maschinenfleet un de Wümm hen af.
De Naveröörd sünd Waakhusen in’n Noorden, Worpheim in’n Noordoosten, Öberenn un Frankenborg in’n Oosten, Moorhusen, Leendaal, Truup un dat Överblockland in’n Süüdoosten, Gehrden in’n Süden, Höftdiek un dat Nedderblockland in’n Süüdwesten, Sankt Jürgen in’n Westen un Veerhusen, Millbüern un Moorhusen in’n Noordwesten.
Historie
ännernIn’n Eersten Weltkrieg sünd veer Soldaten ut Wührn fullen oder vermisst.[1]
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Öberenn in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie St. Jürgen in’n Kanton Leendaal.
De Oort hett vör 1885 to de Vaagdie St. Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en grötteren Kreis Oosterholt tohoopgahn is.
De Oort hett fröher to de Gemeen Wührn-Millbüern tohöört. An’n 1. April 1937 hett sik de Gemeen Wührn-Millbüern mit Frankenborg un Öberenn to de Gemeen Sankt Jürgen tohoopslaten. Düsse Gemeen is mit de Gemeenreform in Neddersassen an’n 1. März 1974 an de Gemeen Leendaal kamen.
Inwahnertall
ännern| Johr | Inwahners |
|---|---|
| 1791[2] | 9 Füürsteden |
| 1812[3] | 52 |
| 1848[4] | 182 Lüüd, 25 Hüüs |
| 1. Dezember 1871[5] | 110 Lüüd, 18 Hüüs |
| 1. Dezember 1885[6] | 82 Lüüd, 16 Hüüs |
Religion
ännernWührn is evangeelsch-luthersch präägt un höört to dat Kaspel von de Jürgen-Kark in St. Jürgen.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Kultur
ännernEn Denkmaal för de Fullenen ut’n Eersten Weltkrieg steiht in Frankenborg.
Weertschop un Infrastruktur
ännernFör Wührn is de freewillige Füürwehr Sankt Jürgen mit tostännig, de ehr Sprüttenhuus in Frankenborg hett.
Verkehr
ännernDör Wührn löppt de Kreisstraat 8, de in’n Westen över Millbüern, Veerhusen un Nedderenn na Hu’e to geiht un in’n Oosten över Öberenn un Frankenborg bi Trupermoor na de Landsstraat 133.
De nächste Autobahn is de Autobahn 27 (Afsnidd Bremerhoben–Bremen). De Opfohrt 17 Bremen-Industriehavens liggt so ölven Kilometer in’n Süüdwesten von Wührn an de Hu’er Heerstraat.
De nächste Bahnhoff is so bi acht Kilometer wied weg in’n Noordwesten de Bahnhoff Oosterholt-Scharmbeek an de Bahnlien Bremen–Bremerhoben.
Scholen
ännernDe Oort harr fröher en egen Volksschool. Düsse School is 1876 in en Huus grünnt worrn, dat 1839 boot worrn is.[7] Vörher harr dat al en Schoolstuuv in Millbüern geven.[7] 1930/1931 is en neet Schoolhuus boot worrn, in dat denn ok de Schölers von de dichtmaakte School in Sankt Jürgen (mit Schölers ut Moorhusen, Veerhusen un Nedderenn) ünnerkamen sünd.[7] Siet April 1963 hett de School blots noch de Klassen 1 bet 4 opnahmen.[7] De School in Wührn hett an’n 25. Juni 1975 dichtmaakt.[7] Na 1975 güngen de Kinner op de Grundschool Frankenborg, de 2016 ok dichtmaakt hett.[7] Sietdem gaht se na de Grundschool Worphusen.
Nadem de School dichtmaakt hett, is dor en Speelkreis intagen, de 1998 den Status von en Kinnergoorn kregen hett.[7]
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 258
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 170
- ↑ a b c d e f g Johannes Kessels: Nach 250 Jahren ist jetzt Schluss. Weser-Kurier an’n 26. Juni 2016