Frankenbossel
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 6,12 km² | |
| Inwahners: | ||
| Postleettall: | 27404 | |
| Vörwahl: | 04281 | |
| Geograafsche Laag: | Koordinaten:53° 16′ N, 9° 21′ O53° 16′ N, 9° 21′ O | |
|
| ||
Frankenbossel (hoochdüütsch Frankenbostel) is en Dörp in de Gemeen Elsdörp (Samtgemeen Zeven) in’n Landkreis Rodenborg, Neddersassen.
Geografie
ännernIn’n Norden von’n Oort hett de Röhrsbeek sien Born un in’n Süüdoosten de Obeek. De beiden doot all beid in de Oost fleten. De Osenhorster Beek hett sien Born in’n Westen un münnt in de Meh-Au.
De Naveröörd sünd Adiek un Ahoff in’n Noorden, Wiertzen un Freyersen in’n Noordoosten, Rüspel, Volkens un Nindörp in’n Oosten, Hatz un Ehsdörp in’n Süüdoosten, Poitzendörp un Elsdörp in’n Süden, Bahnhoff Elsdörp, Osenhorst, Wist un Hoffkoh in’n Süüdwesten, Asp in’n Westen un Zeven un Wiersdörp in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Gemeen weer Maat von de Samtgemeen Elsdörp un is an’n 1. März 1974 mit de Gemeenreform in Neddersassen an de Gemeen Elsdörp kamen.
Inwahnertall
ännern| Johr | Inwahners |
|---|---|
| 1793[1] | 18 Füürsteden |
| 1824[2] | 15 Füürsteden |
| 1848[3] | 139 Lüüd, 25 Hüüs |
| 1. Dezember 1871[4] | 117 Lüüd, 23 Hüüs |
| 1. Dezember 1910[5] | 120 |
| 1925[6] | 144 |
| 1933[6] | 159 |
| 1939[6] | 158 |
Religion
ännernFrankenbossel is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kultur
ännernVerenen
ännernFrankenbossel hett en egene freewillige Füürwehr, de 1947 grünnt worrn is.
Weertschop un Infrastruktur
ännernVerkehr
ännernDör Frankenbossel löppt de Kreisstraat 132, de in’n Noordwesten na Zeven an de Landsstraat 142 un över de L 124 an de Bundsstraat 71 ran geiht un in’n Süüdoosten na Rüspel an de K 130. In’n Süden föhrt en Straat na Elsdörp.
De nächste Autobahn is de Autobahn 1. De Opfohrt 48 Elsdörp liggt so fiev Kilometer in’n Süden von Frankenbossel.
De nächste Bahnhoff is so bi 18 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichter bi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp fiev Kilometer in’n Süüdwesten. Personenverkehr hett dat dor von 1906 bet 1968 geven.
Scholen
ännernDe Kinner ut Frankenbossel gaht op de Grundschool Elsdörp.
Footnoten
ännern- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 76: https://books.google.de/books?id=jN5QAAAAcAAJ&pg=RA1-PA76
- ↑ C. H. Jansen: Statistisches Handbuch des Königreichs Hannover. 1824, Sied 192: http://books.google.de/books?id=tG0AAAAAcAAJ&pg=PA192
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
- ↑ http://www.gemeindeverzeichnis.de/gem1900/gem1900.htm?hannover/zeven.htm
- ↑ a b c http://www.verwaltungsgeschichte.de/bremervoerde.html
Weblenken
ännern
Badenhorst | Bockhorst | Borg Elsdörp | Borgwall | Ehsdörp | Elsdörp | Frankenbossel | Hatz | Nindörp | Poitzendörp | Rüspel | Volkens