Dollern

Dollern is een Gemeen in de Samtgemeen Hornborg in’n Landkreis Stood. Se hett 2238 Inwahners (Stand 31. Dezember 2023).

Wapen/Flagg

Koort

Basisdaten

Bundsland: Neddersassen

11,96 km²

2238 (31. Dezember 2023)

18 m över de See

21739

04163

Koordinaten:53° 32′ N, 9° 33′ O53° 32′ N, 9° 33′ O

Grenzen bi OSM:

445841

Gemeenslötel:

03 3 59 012

Öörd in de Gemeen:

1

Börgermeester:

Wilfried Ehlers (SPD)

Websteed:

www.horneburg.de/intekos/_f_dollern.htm

Koort

Kreis

Geografie

In’n Westen von’n Oort liggt dat Naturschuulrebeed Feerner Moor un in’n Süüdwesten de Rüstjer Forst.

De Naveröörd sünd Steenkark in’n Noordoosten, Gauderhandviddel in’n Oosten, Neekark un Hornborg in’n Süüdoosten, Rüstje un Helmst in’n Süüdwesten un Hagen, Ottenbeek un Gothenborg in’n Noordwesten.

Historie

In da Rebeet vun den Oort sünd Sporen vun Minschen 55.000 Johr oolt. Disse Sporen vun Jagers ut de Iestied sünd in’n Immengrund un Pleisshorn funnen worrn. De Naam Dollern is sachts üm Christi Geboort utfunnen wuurn, as de Inwahners fast wohnt hebbt.

Dat eerste Mool is de Oort as Dolnere an’n 11. November 1105 in en Uurkunn beneumt worrn, de obers in de Mitt vun’n 12. Johrhunnert ok noch in Delen nomokt wurrn is. Disse Uurkunn hannelt vun dat Utstafferen för dat niege Klooster Katelnborg dör Adela von Katelnborg.

In de List vun Lüüd de Stüer betolen mööt vun 1524 sünd dat eerste Mol Naamen vun Inwohners.

An’n 8. April 1793 is dat Dörp bit up twee oder dree Bowarken affbrennt un in dat sülve Johr wedder upbovt wurrn. Welke vun disse Neddersassenhüser sünd noch in de Mitt vun dat Dörp.

Bi dit Füer sünd twee Minschen storven, Gesche Rathjens un Peter Engelken. Gesche Rathjens weer de Fru vun Johann Hinrich Rathjens up den Stüvens Hoff, wo deswegen de Naam vun ene Fru in de Inschrift up den Döörbalken fehlt.

1880/1881 is de Nedderelvbahn von Cuxhoben na Hamborg anleggt worrn, de an Dollern langs güng. En egen Bahnhoff hett de Oort aver eerst 1920 kregen.

Verwaltungsgeschicht

In de Franzosentied von 1810 bet 1814 hett de Oort to de Mairie Stood in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1846 to dat Amt Harsfeld tohöört un is to’n 1. Januar 1847 in dat Gericht Hornborg wesselt.^[1] Bi de Verwaltungs- un Justizreform an’n 1. Oktober 1852 is dat Gericht Hornborg oplööst un Deel von dat Amt Hornborg worrn. Na 1885 weer Dollern in’n Kreis Stood, de 1932 mit de Kreise Jörk un Keden to’n ne’en Kreis Stood tohoopgahn is.

Inwahnertall

Johr	Inwahners
1740-00-001740	112
1791-00-001791^[2]	10 Füürsteden
1824-00-001824^[3]	14 Füürsteden
1848-00-001848^[4]	269 Lüüd, 29 Hüüs
1871-12-011. Dezember 1871^[5]	280 Lüüd, 33 Hüüs
1885-12-011. Dezember 1885^[6]	258 Lüüd, 34 Hüüs
1905-12-011. Dezember 1905^[7]	303 Lüüd, 54 Hüüs
1910-12-011. Dezember 1910^[8]	307
1925-00-001925^[9]	369
1933-00-001933^[9]	337
1939-00-001939^[9]	357
1946-00-001946	730 (dor vun 380 Flüchtlinge un Heimotverdrevene)
1970-00-001970	900
2003-00-002003	1.756
2009-06-3030. Juni 2009^[10]	1.780

Wapen

Dat Wapen von Dollern wiest op blauen Grund en sülvern Watermöhlenrad mit Schüffels un dor ünner en sülvern Waterloop.

Dat Möhlenrad steiht för de Dullerner Möhl, de fröher an’n Buschdiek stünn.

Religion

Dollern is evangeelsch-luthersch präägt un höört to dat Kaspel von de Leevfroon-Kark in Hornborg. 1961 hett Dollern en egen Kapell kregen, de in de ole Volksschool ünnerbröcht is (inwieht an’n 15. Oktober 1961).

För de Kathoolschen is de Hillig-Geist-Kark in Stood tostännig.

Kultur

De Freewillige Füürwehr Dollern is an’n 10. März 1914 grünnt worrn. Vörher harr dat al en Plichtfüürwehr geven.

Politik

Gemeenderaat

Sitten in’n Gemeenraat
Johr	CDU	SPD	DWG
2011	3	6	3

Börgermeesters

~1961: Stechmann
2003-: Wilfried Ehlers (SPD)

Weertschop un Infrastruktur

De Volksbank Geest hett in Dollern in de Straat An’n Buschdiek 34 en Filiaal un de Kreisspoorkass Stood in de Straat Op’n Brink 5.

Verkehr

Opfohrt Dollern op de Autobahn 26

Direkt dörch den Oort löppt de veel beföhrte Bundsstraat 73, de dat Dörp in’n Noordwesten över Gothenborg mit Stood un in’n Süüdoosten över Hornborg mit Buxthu un Hamborg verbindt. Von de B 73 twiegt in Dollern de Hagener Weg af, de in’n Westen na de Landsstraat 124 dicht bi Hagen löppt, un de L 125, de in’n Oosten na Gauderhandviddel/Mittelskark löppt. De Autobahn 26 (Afsnidd Stood–Hamborg) löppt so bi 600 Meter oosten von Dollern langs. Dollern hett en egen Opfohrt (4), de von de L 125 op de Autobahn ropföhrt.

De Iesenbohn vun Cuxhoben no Hamborg (Nedderelvbahn), an de Dollern en Bahnhoff hett, warrt foken vun Schölers un Arbeiders bruukt.

Scholen

In Dollern gifft dat en Kinnergoorn un de Katteker-Grundschool.

Ver- un Entsorgung

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Footnoten

↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157
↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 57
↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 140
↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
↑ Inwahnertallen op gemeindeverzeichnis.de
↑ ^a ^b ^c Inwahnertallen op verwaltungsgeschichte.de
↑ horneburg.de

Weblenken

Dollern. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Gemeen Dollern (hoochdüütsch)

Städer un Gemenen in’n Landkreis Stood

[1] Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157

[Scharf-2] Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 57

[Jansen-3] Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 140

[HarseimSchluter-4] Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144

[GemGutsbPreu-5] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140

[gemeindelexikon1885-6] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151

[gemeindelexikon1905-7] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158

[gemeindeverzeichnis-8] Inwahnertallen op gemeindeverzeichnis.de

[verwaltungsgeschichte-9] Inwahnertallen op verwaltungsgeschichte.de

[horneburg-de-10] rneburg.de

[1]

[2]

[3]

[4]

[5]

[6]

[7]

[8]

[9]

[10]