Nottensdörp

Nottensdörp is een Gemeen in de Samtgemeen Hornborg in’n Landkreis Stood, Neddersassen. Se hett 1641 Inwahners (Stand 31. Dezember 2022).

Wapen/Flagg

Koort

Basisdaten

Bundsland: Neddersassen

7,14 km²

1641 (31. Dezember 2022)

22 m över de See

21640

04163

Koordinaten:53° 29′ N, 9° 36′ O53° 29′ N, 9° 36′ O

Grenzen bi OSM:

444927

Gemeenslötel:

03 3 59 034

Öörd in de Gemeen:

1

Börgermeester:

Dierk Heins (CDU)

Websteed:

www.horneburg.de

Koort

Kreis

Bi Nottensdörp höört ok de Oort Schragenbarg mit bi.

Geografie

De Oort liggt op de Stoder Geest an’n Rand na de Maschen von Oolland. Dat Water ut dat Rebeed flütt över lüttjere Beken na de Au hen af oder na de Oollanner Gravens. In’n Noorden liggt de Bullenbrook.

De Naveröörd sünd Neekark in’n Noorden, Loodkup un Dammhusen in’n Noordoosten, Heendörp un Neeklooster in’n Oosten, Grundolendörp in’n Süden, Ruschwedel un Rutenbeek in’n Süüdoosten, Bliersdörp in’n Westen un Postmoor, Schragenbarg un Hornborg in’n Noordwesten.

Historie

Nottensdörp is 1270 dat eerste Mol in ene Uurkunn beneumt worrn, de obers verschütt gohn is. Nu is de öllste Uurkunn vun 1303, wo de Noom Notmestorpe in steiht.

In all de ole Tied, bit 1960, geev dat in Nottensdörp man blots de Bueree.

No den Tweten Weltkrieg sünn vele Reetdackhüüs toschann komen un nu stoht dor mehrstentieds modern Panndackhüüs. Buern gifft nich mihr vele, obers Boünnernehmen, Krögers, Hotels, twee Olenhüüs und enen Dokter.

Verwaltungsgeschicht

In de Franzosentied von 1810 bet 1814 hett de Oort to de Mairie Hornborg in’n Kanton Hornborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Kreis Stood.

Inwahnertall

Johr	Inwahners
1791-00-001791^[1]	36 Füürsteden
1824-00-001824^[2]	42 Füürsteden
1848-00-001848^[3]	216 Lüüd, 58 Hüüs
1871-12-011. Dezember 1871^[4]	270 Lüüd, 53 Hüüs
1885-12-011. Dezember 1885^[5]	313 Lüüd, 54 Hüüs
1905-12-011. Dezember 1905^[6]	259 Lüüd, 44 Hüüs
1910-12-011. Dezember 1910^[7]	414*
1925-00-001925^[8]	430*
1933-00-001933^[8]	454*
1939-00-001939^[8]	432*
2006-12-3131. Dezember 2006	1.441*
2011-12-3131. Dezember 2011	1.442*

* mit Schragenbarg

Religion

Nottensdörp is evangeelsch-luthersch präägt un höört to dat Kaspel von de Leevfroon-Kark in Hornborg. Fröher hett de Oort to dat Kaspel Obbens tohöört.

För de Kathoolschen is de St.-Marien-Kark in Buxthu tostännig.

Politik

Gemeenderoot

Gemeenraad
Johr \ Partei	Tall	CDU	SPD	WG	enkelt
2006	11	8	2	1
2011	9	6	2		1
2016	11	8	3

Liddmaten

2016:
CDU: Heike Bremer, Gert Hauschildt, Dierk Heins, Michael Heins, Hartmut Huber, Hans-Günther Lemmen, Hans Osterholz, Reinhard Stupl

SPD: Joachim Alpers, Udo Wolfgang Rolf Groening, Kerstin Raschke

Börgermeesters

Tied	Naam	Partei
2001–31. Oktober 2016	Hans Alpers-Janke	CDU
1. November 2016–	Dierk Heins	CDU

Wapen

Dat Wapen för de Gemeen Nottensdörp is in’n Johr 1948 vun Fritz Haß utklamüüstert worrn.

Dat Wapen in Sülver wiest dree rode Flammen, de opstiegt.

Kultur un wat to bekieken is

1932 is ene Graff- un Gedenksteed för Hans Much boot worrn. De Uurn vun Hans Much is ünner enen groten Steen bisett worrn; up den Steen is de Inschrift "HANS MUCH 1880 - 1932" to lesen. Üm de Gedenksteed herüm sünd Feldstenen mit de Nooms vun siene Pekinesen-Hunn.

Bowark

An’n „Gootspark“ gifft dat ole Fachwarkhüüs to bekieken.

Sport

De Footballspeler ut Nottensdörp wulln in’n Johr 2003 mit den Noom „FC Nottensdorf 03“ anfangen. Dat se gau spelen köönt, hebbt se sick den Vereen „NoKi in Action e. V.“ ansloten. Nu hett obers de Nedersässische Footballverband dat no jümehr Statuten nicht toloten, een annern Noom as den Vereensnoom to bruken. Nu müssen sick de anneren Verenen mit dat „N“ wennen.

Weertschop un Infrastruktur

Nottensdörp hett en egene freewillige Füürwehr, de 1937 grünnt worrn is.

Verkehr

An Nottensdörp langs löppt de Landsstraat 130, de in’n Süden över Grundolendörp na Obbens, Beekdörp un Sounsiek geiht un in’n Noorden an de Bundsstraat 73. De B 73 föhrt in’n Noordwesten na Hornborg, Dullern un Stood un in’n Süüdoosten över Heendörp un Neeklooster na Buxthu un Vosshusen. Lüttjere Straten gifft dat ans direkt na Heendörp un na Bliersdörp.

De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so veer Kilometer in’n Noorden von Nottensdörp an de K 36.

De nächste Bahnhoff is so bi veer Kilometer wied weg in’n Noordwesten de Bahnhoff Hornborg an de Nedderelvbahn twüschen Cuxhoben un Hamborg.

Scholen

In Nottensdörp is een von de twee Standöörd von de Grundschool Bliersdörp-Nottensdörp.

För dat Gymnasium güngen de Schölers bet 2018 op de Halepaghen-School in Buxthu. Von dat Schooljohr 2018/2019 af an wesselt de Schölers op dat Au-Geest-Gymnasium in Harsfeld.

Ver- un Entsorgung

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Lüüd

De Bildhauer un Maler Carsten Eggers leevt siet 1991 in Nottensdörp.

Literatur

Christian Fuhst: Zu Hause in Nottensdorf – Chronik eines Dorfes und seiner Familien. 1996

Footnoten

↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169
↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 450
↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
↑ Inwahnertallen op gemeindeverzeichnis.de
↑ ^a ^b ^c Inwahnertallen op verwaltungsgeschichte.de

Weblenken

Nottensdörp. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Gemeen Nottensdörp (hoochdüütsch)

Städer un Gemenen in’n Landkreis Stood

[Scharf-1] Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169

[Jansen-2] Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 450

[HarseimSchluter-3] Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149

[GemGutsbPreu-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141

[gemeindelexikon1885-5] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152

[gemeindelexikon1905-6] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160

[gemeindeverzeichnis-7] Inwahnertallen op gemeindeverzeichnis.de

[verwaltungsgeschichte-8] Inwahnertallen op verwaltungsgeschichte.de

[1]

[2]

[3]

[4]

[5]

[6]

[7]

[8]