Goliathkäver
De Goliathkäver (Goliathus goliatus) is en bannig groten Käver ut de Familie vun de Scarabäuskävers. Dor höört he to de Unnerfamilie vun de Rosenkävers (Cetoniidae) un to dat Geslecht vun de Goliathkävers mit to. Dat gifft noch veer annere Aarden ut düt Geslecht, de all tosamen „Goliathkävers‘‘ nömmt weert, man düsse Aart is mit Afstand an’n bekanntsten. Bovenhen is se as eerste Aart beschreven wurrn.
| Goliathkäver | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Systematik | ||||||||||||||||
| ||||||||||||||||
| Wetenschoplich Naam | ||||||||||||||||
| Goliathus goliatus | ||||||||||||||||
| Linnaeus 1771 |
Wo he vörkamen deit un wie he utsütt
ännernDe Goliathkäver leevt in en groten Deel vun de Gemarken vun Afrika rund um den Äquater to, man nich ganz buten in’n Osten. He is tohuse in Kamerun, Republiek Kongo, Demokraatsche Republiek Kongo, Gabun, Kenia, Nigeria, Tansania un Uganda. In’e Natur warrt he 7-9 cm lang, man dat sünd ok Deerter bekannt, de hefft dat up 11 cm brocht. De Kävers vun düsse Aart verscheelt sik in’e Farven bannig. De meisten Deerter sünd roodbruun mit witte Langsstriepen. Man ok swatt-witte Goliathkävers gifft dat. De Heken verscheelt sik vun de Seken dör twee Utrecksels vörn an de Snuten un twee lüttjere Utrecksels en beten wieter achtern. Dor sitt de Grabbelers an, de bi beide Geslechter bannig kort sünd un en düüdlichen Knick hefft. De Goliathkäver is nich de gröttste Käveraard, dat is de Herkuleskäver (Dynastes hercules), de länger as 15 cm weern kann. Man vun den Herkuleskäver besteiht de drüdde Deel vun siene Längde ut dat unbannige Hoorn. De Goliathkäver is vundeswegen swaarer, as de Herkuleskäver un kann bit hen to 100 g wegen. Dor is he de swaarste bekannte Aart mank de Kävers mit.
Allgemeen
ännernDe Goliathkäver leevt vun Plantenssapp mit bannig Zucker dor in, as Nektar un Fruchtssapp. Wohrschienlich lickt he ok Sapp ut de Wunnen vun Planten. Vunwegen siene stevigen Klauen kann he good kladdern. Good flegen kann he ok. De Flunkenslag klingt as en Heevschruver vunwegen de groten Flunken unner de Deekflunken. De utwussen Kävers leevt man bloß en poor Maande, veel körter as de Budden. De Budden leevt vun Holtrottels un Doodholt ut allerhand Plantenfamilien, dormank de Euphorbienplanten. Se könnt bit hen to 15 cm lang weern un sünd denn bannig dick. In Afrika weert se vun Minschen eten. Antonehmen is, datt de Budden nich bloß Holt freten doot, man wohrschienlich ok annere Insekten oder de ehre Budden. De Budden entwickelt sik in dree Stadien: In dat eerste Stadium sünd se noch lüttje, wormhaftige Larven vun man bloß en paar Zentimeters, in dat tweede Stadium kriegt se düütlichere Segmenten un en Reeg vun lüttje swatte Punkten an jede Sieten, un in dat drüdde Stadium kaamt se up en Gewicht vun towielen mehr as 100 g, un de Reegen vun swatte Stippen weert grötter. Dat duert maandenlang, ehr datt de Budden utwussen sünd un sik verpoppen doot, ok de Poppe entwickelt sik maandenlang. Vunwegen datt düsse Kävers in’e Tucht vun Minschen vermehrt weert, is allerhand vun jem bekannt.