Grundschool Klenkendörper Möhl
De Grundschool Klenkendörper Möhl is een von de dree Grundscholen in de Gemeen Gnarrenborg, de ok de Schooldreger is. Se liggt in de Oosterweder Straat 19 an’n Rand von dat lüttje Dörp Oosterweed, dat to de Gnarrenbörger Oortschop Brillit höört. De School hett 16 Schoolmeesters, 6 pädagoogsche Mitarbeiders un 200 Schölers.
Na de School gaht de Kinner ut de Öörd: Brillit (mit Brillitermoor, Franzhorn, Hasselhorst, Oosterweed un Rübehorst), Dahldörp, Fohrendaal, Fohrendörp, Friedrichsdörp, Gnarrenborg (mit Geestdörp), Klenkendörp (mit Oberklenkendörp) un Langenhusen.
Na de 4. Klass wesselt de Schölers na de Oberschool Gnarrenborg oder na dat Gymnasium Bremervöör.
Historie ännern
Bet in de Johren 1960 harr meist jeedeen Dörp sien egen Volksschool. 1961 hebbt de Gemenen Brillit, Fohrendörp, Klenkendörp un Langenhusen en Zweckverband grünnt, üm gemeensaam en ne’e School to boon. De School schull in de Midd twüschen de veer Gemenen boot warrn, wat bi Oosterweed weer. De School is 1967 noch as Volksschool för de Klassen 1 bet 9 inricht worrn. Architekt weer Kristen Müller ut Worpsweed. Nöömt worrn is de School na de Windmöhl in Klenkendörp, de von 1837 bet kort na’n Tweten Weltkrieg stahn hett. De Windmöhl stünn nich an de hüdige Steed von de School, aver de Möhl stünn in de Johren 1960 noch för en Oort, an den de Lüüd ut de verscheden Dörper tohoopkamen sünd.
De Scholen in de Dörper sünd all to’n 1. April 1967 dichtmaakt worrn. In’n September 1972 is de School in en Grundschool mit dree Klassen pro Johrgang ümwannelt worrn un weer för de Gemenen Brillit, Fohrendörp, Gnarrenborg, Klenkendörp un Langenhusen tostännig.
De School hett ok en Turnhall un en Sportplatz, de all beid in’n September 1971 trech worrn sünd. En Anbo is 1998 boot worrn.
Schoolbaas ännern
- 1. August 2016–: Thomas Schröder
Weblenken ännern
- Websteed von de School (hoochdüütsch)
Koordinaten:53° 25′ N, 9° 2′ O