Hasselhorst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27442 | |
| Vörwahl: | 04763 | |
| Geograafsche Laag: | Koordinaten:53° 24′ N, 9° 1′ O53° 24′ N, 9° 1′ O | |
|
| ||
Hasselhorst (hoochdüütsch Hasselhorst) is en lütten Oort in de Gemeen Gnarrenborg in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Brillit.
Geografie
ännernDe Oort liggt op de Geest, direkt an’n Westrand na dat Düvelsmoor. Dat Water ut dat Rebeed flütt na’n Oost-Hamm-Kanaal hen af. Na Süüdwesten to liggt dat Eekholt.
De Naveröörd sünd Brillitermoor un Oosterweed in’n Noordoosten, Friedrichsdörp un Langenhusen in’n Oosten, Gnarrenborg (mit Geestdörp) in’n Süden, Rübehorst in’n Westen un Brillit un Franzhorn in’n Noordwesten.
Historie
ännernHasselhorst hett sik ut de Oerdingsche Tegelee billt, de 1864 anleggt worrn is.
Verwaltungsgeschicht
ännernDe Oort weer bet 1885 in dat Amt Bremervöör. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.
De Oort höört al von öllers to de Gemeen Brillit. De Gemeen Brillit is an’n 1. März 1974 mit de Gemeenreform in Neddersassen an de Gemeen Gnarrenborg kamen. Sietdem höört Hasselhorst binnen de Gemeen Gnarrenborg to de Oortschop Brillit.
Inwahnertall
ännern| Johr | Inwahners |
|---|---|
| 1. Dezember 1871[1] | 7 Lüüd, 1 Huus |
| 1. Dezember 1885[2] | 13 Lüüd, 1 Huus |
| 1. Dezember 1905[3] | 14 Lüüd, 2 Hüüs |
Religion
ännernHasselhorst is evangeelsch-luthersch präägt un höört to dat Kaspel von de Pauluskark in Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
ännernFör Hasselhorst is de freewillige Füürwehr Brillit mit tostännig.
Verkehr
ännernDat gifft twee Straten, de von Hasselhorst weg föhrt. De een geiht in’n Noordoosten na Brillitermoor un Oosterweed an de Kreisstraat 104 un de annere in’n Süüdwesten na Rübehorst un Gnarrenborg an de Landsstraat 122. De L 122 föhrt in’n Westen na Kuhs an de Bundsstraat 74 un in’n Süüdoosten na Korlshöben un wieder na Zeven. De K 104 löppt in’n Westen ok an de B 74 un in’n Oosten na de Düvelsmoor-Dörper. De B 74 geiht in’n Noordoosten över Basdaal na Bremervöör un Stood un in’n Süüdwesten över Wallhöben un Hambargen na Oosterholt-Scharmbeek, Hu’e un Bremen-Noord.
De nächste Autobahn is de Autobahn 27 (Afsnidd Bremen–Bremerhoben). De Opfohrt 9 Wulsdörp liggt so 30 Kilometer in’n Noordwesten von Hasselhorst an de B 71.
De nächste Bahnhoff is so bi 14 Kilometer wied weg in’n Noordoosten de Bahnhoff Bremervöör an de Bahnlien Bremerhoben–Buxthu. De Bahnhoff Stubben an de Bahnlien Bremen–Bremerhoben liggt 20 Kilometer in’n Westen. Op de Bahnlien Stood–Oosterholt-Scharmbeek hett dat von 1909 bet 1978 Personenverkehr geven. De Bahnhööv Brillit un Gnarrenborg-Noord weren in düsse Tied all beid so twee Kilometer wied weg.
Scholen
ännernDe Kinner ut Hasselhorst gaht na de Grundschool Klenkendörper Möhl in Oosterweed.
Literatur
ännern- Michael Ehrhardt: Brillit: Osterwede, Franzhorn, Rübehorst, Hasselhorst, Brillitermoor, die Geschichte des Dorfes und seiner Ortsteile. 1995
Footnoten
ännern- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 185
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 21
