Langenhusen
Langenhusen (hoochdüütsch Langenhausen) is en Dörp in de Gemeen Gnarrenborg in’n Landkreis Rodenborg, Neddersassen.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 9,31 km² | |
| Inwahners: | 606 (31. Dezember 2011) | |
| Inwahnerdicht: | 65,1 Inwahners pro km² | |
| Postleettall: | 27442 | |
| Vörwahl: | 04148 | |
| Geograafsche Laag: | Koordinaten:53° 24′ N, 9° 2′ O53° 24′ N, 9° 2′ O | |
 | ||
|
| ||
Geografie Ännern
Langenhusen liggt as Stratendörp an’t Oostöver von’n Oost-Hamm-Kanaal in’t Düvelsmoor.
De Naveröörd sünd Oosterweed in’n Noorden, Fohrendörp un Klenkendörp in’n Noordoosten, Augussendörp in’n Süüdoosten, Barkhusen in’n Süden, Gnarrenborg in’n Süüdwesten un Hasselhorst un Brillitermoor in’n Noordwesten.
Historie Ännern
Langenhusen is 1800 an’t Oostöver von’n Oost-Hamm-Kanaal as een von Jürgen Christian Findörp sien Moorkolonien grünnt worrn. Dat Westöver weer en egen Kolonie un is al 1784 as Friedrichsdörp grünnt worrn.
In’n Eersten Weltkrieg sünd 20 Soldaten ut Langenhusen fullen oder vermisst un in’n Tweten 44[1].
Friedrichsdörp un Langenhusen sünd denn an’n 29. Januar 1929 to een Gemeen tohoopleggt worrn, de denn den Naam Langenhusen dragen hett.
An’n 8. April 1974 is Langenhusen bi de Gemeenreform in Neddersassen mit de Gemeen Gnarrenborg tohoopleggt worrn.
Inwahnertall Ännern
| Johr | Inwahners |
|---|---|
| 1824[2] | 36 Füürsteden |
| 1848[3] | 284 Lüüd, 46 Hüüs |
| 1. Dezember 1910[4] | 317 |
| 1925[5] | 326 |
| 1933[5] | 444 |
| 1939[5] | 437 |
| 31. Dezember 2005 | 607 |
| 31. Dezember 2008 | 607 |
| 31. Dezember 2011[6] | 606 |
Religion Ännern
Langenhusen is evangeelsch-luthersch präägt un höört to dat Kaspel Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Wapen Ännern
Dat Wapen von de Gemeen wiest op grönen Grund en Neddersassenhuus un dor ünner en Hark un Schüffel krüüzt.
Oortsbörgermeester Ännern
- opstunns: Hans Murken
Kultur Ännern
En Denkmaal för de Fullenen ut Langenhusen un Friedrichsdörp ut de twee Weltkrieg’ steiht an de Dörpstraat.
Verenen Ännern
De Schützenvereen Langenhusen is an’n 28. Januar 1912 grünnt worrn un hett sik 1998 mit den Vereen ut Friedrichsdörp tohoopslaten un heet nu Schützenvereen Langenhusen/Friedrichsdörp un Ümgegend. De Freewillige Füürwehr is 1929 grünnt worrn.
Weertschop un Infrastruktur Ännern
Verkehr Ännern
Langenhusen liggt an de Kreisstraat 102, de in’n Noorden na Fohrendörp un Bremervöör geiht un den Oort in’n Süden mit Gnarrenborg, Barkhusen, Findörp un Korlshöben verbinnen deit. Na Süüdoosten geiht de K 103 von de K 102 af un löppt na Augussendörp. An’t Süüdenn von Langenhusen löppt de Straat An’n Karkendamm na Gnarrenborg un an’t Noordenn de K 104 na Oosterweed un Brillit.
Scholen Ännern
De eerste School hett dat 1822 in Langenhusen geven un weer denn ok för Friedrichsdörp mit tostännig. Vondaag gifft dat keen egen School mehr. De Kinner ut Langenhusen gaht vondaag na de Grundschool Klenkendörper Möhl in Oosterweed.
Literatur Ännern
- Rainer Brandt: Langenhausen - Friedrichsdorf. Volksbank Gnarrenborg, 1982
Footnoten Ännern
- ↑ http://denkmalprojekt.org/2011/langenhausen-friedrichsdorf_wk1_wk2_ns.html
- ↑ C. H. Jansen: Statistisches Handbuch des Königreichs Hannover. 1824, Sied 356: http://books.google.de/books?id=tG0AAAAAcAAJ&pg=PA356
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
- ↑ http://www.gnarrenburg.de/default.cfm?mid=32760
Weblenken Ännern
- Websteed över dat Dörp (hoochdüütsch)
Augustendorp | Barkhusen | Brillit | Findörp | Fohrendörp | Glinst | Gnarrenborg | Klenkendörp | Korlshöben | Kuhs | Kuhstermoor | Langenhusen