Höörfelln
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21763 | |
| Vörwahl: | 04751 | |
| Geograafsche Laag: | Koordinaten:53° 46′ N, 8° 52′ O53° 46′ N, 8° 52′ O | |
|
| ||
Höörfelln (hoochdüütsch Hörfelde) is en Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen.
Tohoop mit Höden billt Höörfelln den Höördeel (hoochdüütsch Hörteil).
Geografie
ännernDe Oort liggt in Land Hadeln in de Masch von de Ünnerelv. Dat Water ut dat Rebeed flütt över Gravens na de Welster un na de Mehm hen af.
De Naveröörd sünd de Katthüserdeel in’n Noorden, Höden un Neenkarken in’n Noordoosten, dat Süderenn von Neenkarken in’n Süüdoosten, de Helmworther Wetternweg in’n Süden, de Lee in’n Westen un Dellnwort in’n Noordwesten.
Historie
ännernVerwaltungsgeschicht
ännernDe Oort hett vör 1852 to dat Kaspelsgericht Neenkarken in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört al von öllers bi de Gemeen Neenkarken mit bi.
Inwahnertall
ännernHöördeel:
| Johr | Inwahners |
|---|---|
| 1848[1] | 251 Lüüd, 49 Hüüs |
| 1. Dezember 1871[2] | 265 Lüüd, 51 Hüüs |
| 1. Dezember 1885[3] | 240 Lüüd, 49 Hüüs |
Religion
ännernHöörfelln is evangeelsch-luthersch präägt un höört to dat Kaspel von de Marien-Kark in Neenkarken.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernFör Höörfelln is de freewillige Füürwehr Neenkarken mit tostännig.
Verkehr
ännernHöörfelln is över lüttjere Straten anbunnen an de Landsstraten L 117 un L 118. De L 117 geiht in’n Süden na Helmworth, Steenau un Beers. De L 118 löppt in’n Süüdwesten över de Lee, Oosterwannen, Westerwannen un Niewohl na Debst un in’n Noorden an de Bundsstraat 73 un wieder na Oterndörp. De B 73 föhrt in’n Noordwesten över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 16 Kilometer in’n Noordwesten von Höörfelln an de B 73.
De nächste Bahnhoff is so bi veer Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.
Scholen
ännernDe Kinner ut Höörfelln gaht na de Hinnerk-Willem-Kopp-School in Neenkarken. In Neenkarken sünd de Höörfellner Schölers ok fröher al na Volksschool gahn.
Footnoten
ännern- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
