Hanraad
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 18′ N, 9° 25′ O53° 18′ N, 9° 25′ O | |
|
| ||
Hanraad (hoochdüütsch Hanrade) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch von öllers bi Wiertzen mit bi.
Geografie
ännernEn poor hunnert Meter in’n Süden von’n Oort flütt de Oost langs.
De Naveröörd sünd Maschhorst, Langenfeld un Lütt Meckels in’n Noordoosten, Groot Meckels un Kohmöhlen in’n Süüdoosten, Volkens un Nindörp in’n Süden, Rüspel in’n Süüdwesten, Freyersen un Wiertzen in’n Westen un Oosterheeßel un Oosterbötzen in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Hanraad höört von öllers to Wiertzen. De Gemeen Wiertzen is mit de Gemeenreform in Neddersassen an’n 1. März 1974 Deel von de Gemeen Heeßel worrn, de to de Samtgemeen Zeven höört.
Inwahnertall
ännern| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 14 Lüüd, 2 Hüüs |
| 1. Dezember 1871[4] | 13 Lüüd, 2 Hüüs |
Religion
ännernHanraad is evangeelsch-luthersch präägt un höört to dat Kaspel von de Viti-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
ännernVerkehr
ännernHanraad liggt an en Blangenstraat von de Landsstraat 142, de in’n Westen över Wiertzen un Wiersdörp na Zeven an de Bundsstraat 71 ran geiht un in’n Süüdosten över Groot Meckels na Zittens un Töst. In’n Noordoosten geiht de Dörpstraat wieder na Langenfeld un Lütt Meckels an de Kreisstraat 123 ran.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so negen Kilometer in’n Oosten von Hanraad.
De nächsten Bahnhööv sünd so bi 21 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen un bi 22 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu. De Bahnlien Wilst–Töst löppt direkt an Hanraad langs. Personenverkehr hett dat hier von 1917 bet 1971 geven. De nächste Bahnhoff weer in de Tied de in Wiertzen.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 95: https://books.google.de/books?id=jN5QAAAAcAAJ&pg=RA1-PA95
- ↑ C. H. Jansen: Statistisches Handbuch des Königreichs Hannover. 1824, Sied 242: http://books.google.de/books?id=tG0AAAAAcAAJ&pg=PA242
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 173: https://books.google.de/books?id=qTZDAQAAMAAJ&pg=RA1-PA173
