Hollinghusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27412 | |
| Vörwahl: | 04288 | |
| Geograafsche Laag: | Koordinaten:53° 11′ N, 9° 9′ O53° 11′ N, 9° 9′ O | |
|
| ||
Hollinghusen (hoochdüütsch Hollinghausen) is en Hoff in de Gemeen Vörwark (Samtgemeen Tarms) in’n Landkreis Rodenborg, Neddersassen.
Geografie
ännernDe Hoff liggt dicht bi de Wall.
De Naveröörd sünd Vörwark in’n Noorden, Stapel in’n Oosten, Benkel in’n Süüdoosten, Otterst in’n Süden, Dipshorn in’n Süüdwesten un Wilst in’n Noordwesten.
Historie
ännernIn de Franzosentied von 1810 bet 1814 hett de Oort to de Mairie Otterbarg in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Otterbarg tohöört. As dat Amt 1859 oplööst worrn is, is de Hoff jüst as de Rest von dat Kaspel Otterst in dat Amt Achem wesselt. Dör en Verordnung von’n 22. Mai 1861 is de Hoff aver to’n 1. Juli 1861 in dat Amt Zeven leggt worrn.[1] Dorbi is de Hoff von de polietsche Gemeen Otterst in de Gemeen Vörwark wesselt. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
Inwahnertall
ännern| Johr | Inwahners |
|---|---|
| 1812[2] | 16 |
| 1824[3] | 3 Füürsteden |
| 1. Dezember 1871[4] | 9 Lüüd, 1 Huus |
Religion
ännernHollinghusen is evangeelsch-luthersch präägt un höört to dat Kaspel von de Martinskark in Otterst.
Weertschop un Infrastruktur
ännernVerkehr
ännernNich wied von Hollinghusen af löppt de Landsstraat 132 langs, de in’n Noordoosten dör Vörwark un Steenfeld an de Bundsstraat 71 bi Zeven ran geiht. In’n Süden löppt se över Otterst na Otterbarg.
De nächste Autobahn is de Autobahn 1. De Opfohrt 50 Stuckenbossel liggt so twölv Kilometer in’n Süüdoosten von Hollinghusen un de Opfohrt 49 Bokel twölv Kilometer in’n Oosten.
De nächste Bahnhoff is so bi ölven Kilometer wied weg in’n Süden de Bahnhoff Otterbarg an de Bahnlien Hamborg–Bremen.
Footnoten
ännern- ↑ Sammlung der Gesetze, Verordnungen und Ausschreiben für das Königreich Hannover vom Jahre 1861. Kius, 1861, Sied 39
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
- ↑ C. H. Jansen: Statistisches Handbuch des Königreichs Hannover. 1824, Sied 292: http://books.google.de/books?id=tG0AAAAAcAAJ&pg=PA292
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172
