Steenfeld (Neddersassen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 198 (2011) | |
| Postleettall: | 27412 | |
| Vörwahl: | 04288 | |
| Geograafsche Laag: | Koordinaten:53° 13′ N, 9° 12′ O53° 13′ N, 9° 12′ O | |
|
| ||
Steenfeld (hoochdüütsch Steinfeld) is en Dörp in de Gemeen Büls in’n Landkreis Rodenborg, Neddersassen.
Geografie ännern
In Steenfeld hett de Wörp ehren Born. In’n Noordoosten doot de Naturschuulrebeden Bullensee un Hemelsmoor liggen un in’n Westen dat Swarte Moor bi Büls.
De Naveröörd sünd Brümmerhoff un Wehldörp in’n Noordoosten, Jeem in’n Oosten, Narbn un Bokel in’n Süüdoosten, Winkeldörp in’n Süden, Büls in’n Süüdwesten un Westertimk, Karktimk un Oostertimk in’n Noordwesten.
Historie ännern
In’n Busch in’n Oosten von dat Dörp doot de Megalithanlagen bi Steenfeld liggen, de in de Jungsteentied von de Trechterbekerkultur anleggt worrn sünd.
Verwaltungsgeschicht ännern
Vör 1885 leeg Steenfeld in’t Amt Zeven un na 1885 in’n Kreis Zeven. 1932 is de Oort Deel von’n Landkreis Bremervöör worrn un 1977 is dat denn an’n Landkreis Rodenborg kamen.
An’n 1. März 1974 is de Gemeen Steenfeld mit Büls to de ne’e Gemeen Büls tohoopleggt worrn.
Inwahnertall ännern
| Johr | Inwahners |
|---|---|
| 1824[1] | 12 Füürsteden |
| 1848[2] | 103 Lüüd, 17 Hüüs |
| 1. Dezember 1910[3] | 123 |
| 1925[4] | 147 |
| 1933[4] | 151 |
| 1939[4] | 140 |
| 2011[5] | 198 |
Religion ännern
Steenfeld is evangeelsch-luthersch präägt un höört to dat Kaspel von de Lambertus-Kark in Karktimk.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur ännern
Verkehr ännern
Steenfeld liggt an de Landsstraat 132, de in’n Noordoosten na Brümmerhoff un bi Brüttendörp an de Bundsstraat 71 ran löppt un in’n Süüdwesten na Vörwark un Otterst geiht. In’n Noordwesten löppt de Schierksdamm na Karktimk an de L 133 ran. Ans gifft dat noch lüttjere Straten na Winkeldörp un Narbn. De nächste Opfohrt op de Autobahn 1 is so bi teihn Kilometer weg de Opfohrt 49 Bokel.
De nächste Bahnhoff is de Bahnhoff Söttmer an de Bahnlien Bremen–Hamborg.
Literatur ännern
- Renate Matysiak: Bülstedt - Steinfeld. Aus der Geschichte zweier Dörfer. Editschoon Temmen, Bremen 1992, ISBN 3-926958-92-8
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 576: http://books.google.de/books?id=tG0AAAAAcAAJ&pg=PA576
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/zeven.htm
- ↑ a b c http://www.verwaltungsgeschichte.de/bremervoerde.html
- ↑ http://www.kirchengemeinde-kirchtimke.de/22500098ac0db1b13/7528109e630b39606/index.html