Nindörp (Loomst)

Dörp in de Gemeen Loomst, Landkreis Cuxhoben, Neddersassen

Nindörp is en Dörp in de Gemeen Loomst. Dat liggt in’n Landkreis Cuxhoben in Neddersassen. Dat Dörp hett 482 Inwahners (Stand 9. Februar 2005).

Wapen/Flagg Koort

Wapen vun Nindörp

Nindörp
Laag vun Nindörp in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Loomst
Inwahners: 485 (2009-12-3131. Dezember 2009)
Geograafsche Laag:
Koordinaten:53° 37′ N, 9° 6′ O
53° 37′ N, 9° 6′ O
WohlenbeekIhlbeekHockmöhlenNindörp (Loomst)Loomst
Laag von Nindörp in de Gemeen Loomst (Koort lett sik anklicken)

Karte

Luftbild von Nindörp von Süüdwesten keken (2013)

Geografie ännern

 
Blick von’n Bullenbarg op en Deel von dat Dörp

Nindörp liggt en Stück wat süden Loomst. In’n Süüdwesten liggt de Toslag, en lütt Woold. Na’n Süden to liggt de 56 Meter hoge Bullenbarg un de See vun de ole Tegelee.

De Naveröörd sünd Hockmöhlen un Lüttmöhlen in’n Noordoosten, Seth un Nindörpermoor in’n Oosten, Hollen in’n Süden, Armsdörp in’n Süüdwesten, Hoorn in’n Westen un Loomst in’n Noordwesten.

Historie ännern

De beiden Öörd Seth un Lüttmöhlen höört von öllers al to de fröhere Gemeen Nindörp mit to.

Verwaltungsgeschicht ännern

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1859 weer Nindörp in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.

De Gemeen Nindörp is 1972 dör de Gemeenreform in Neddersassen to de Gemeen Loomst kamen. De olen Akten vun de Gemeen Nindörp doot siet 1948 in dat Kreisarchiv in Oterndörp liggen.

Inwahnertall ännern

Johr Inwahners
1824-00-001824[1] 42 Füürsteden
1848-00-001848[2] 340 Lüüd, 64 Hüüs
1910-12-011. Dezember 1910[3] 474
1933-00-001933[4] 458
1939-00-001939[4] 415
2009-12-3131. Dezember 2009[5] 485

Religion ännern

Nindörp is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen ännern

Dat Wapen von Nindörp wiest op sülvern Grund över en grönen Dreebarg in’n Schildfoot en swarten Bullen mit gollen Klauen, Höörn un Nesenring un dree rode Tegelsteen dor över.

De Bull un de Dreebarg staht för den Bullenbarg un de Tegelsteen för de Tegelee Bartels un Witt.

Kultur ännern

Verenen ännern

 
Gebüüd von’n Schüttenvereen

De Schüttenvereen Nindörp besteiht siet 1921. In’n Tweten Weltkrieg hett de Vereen roht un is denn na’n Krieg 1950 wedder nee grünnt worrn. De Oort hett ok en egen Freewillige Füürwehr.

De Singkreis Nindörp is 1968 grünnt worrn.

Weertschop un Infrastruktur ännern

 
Ohle Dörpschool in Nindörp

Toonwark ännern

1901/1902 hebbt de Tegeleebesitters Bartels un Witt en ne’e Tegelee bi Nindörp opboot. Vun dor güng en veer Kilometer lange Bahn na de Oost. Toeerst hebbt Peer de Wagens tagen un vun 1921 af an twee Lokomotiven. Vun dor güng dat för de Tegels denn per Schipp wieder. De Tegelee harr so stücker wat 100 Arbeiders. De Tegelee hett elk Johr 3,5 Millionen Dacktegels un 1,5 Millionen Tegelsteen produzeert. In de Johren 1970 hett dat denn ophöört mit dat Tegelmaken.

Funkstatschoon ännern

Op’n Bullenbarg stünn vun 1972 af an bet 2002 ene Radarstatschoon för Hawk-Raketen vun de Bundswehr, nu steiht dor blot noch en Richtfunk-Sennemast. De Anlaag stünn jümmer ünner Verdacht, dat se för hoge Krebstallen in Nindörp un Mittelsnohn verantwoortlich wesen is.

De Vereen De Bullenbargers will sik dor för insetten, dat de Bullenbarg wedder renatureert warrt un för all Lüüd togänglich wesen schall.

Verkehr ännern

Dör Nindörp geiht de Kreisstraat 32, de na Noorden na Loomst geiht un na Süden wieder na Hollen. Annere lüttjere Straten gaht na Oosten na Lüttmöhlen un na Nindörpermoor un na Westen an de Bundsstraat 495 ran.

Footnoten ännern

  1. C. H. Jansen: Statistisches Handbuch des Königreichs Hannover. 1824, Sied 444: http://books.google.de/books?id=tG0AAAAAcAAJ&pg=PA444
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  3. http://www.gemeindeverzeichnis.de/gem1900/gem1900.htm?hannover/neuhaus.htm
  4. a b http://www.verwaltungsgeschichte.de/hadeln.html
  5. http://boerde-lamstedt.der-norden.de/rathaus/zahlen.html

Weblenken ännern

  Nindörp (Loomst). Mehr Biller, Videos oder Audiodateien to’t Thema gifft dat bi Wikimedia Commons.