Huckenrieth
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29614 | |
| Vörwahl: | 05191 | |
| Geograafsche Laag: | Koordinaten:53° 2′ N, 9° 51′ O53° 2′ N, 9° 51′ O | |
|
| ||
Huckenrieth (hoochdüütsch Huckenrieth) is en lütten Oort in de Gemeen Soltau in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Woltern.
Geografie ännern
De Oort liggt in de Lümbörger Heid. Dat Water ut dat Rebeed flütt över de Böhm af, de en poor hunnert Meter in’n Westen langsflütt. In’n Noorden liggt dat Naturschuulrebeed Böhmdaal bi Huckenrieth.
De Naveröörd sünd Surbossel, Hillen un Häbe in’n Noorden, Langwedel in’n Noordoosten, Deimen in’n Süüdoosten, Woltern in’n Süüdwesten, Reimen in’n Westen un Gröps in’n Noordwesten.
Historie ännern
Verwaltungsgeschicht ännern
De Oort hett vör 1885 to de Amtsvaagdie Neenkerken (Ünnervaagdie Woltern) in dat Amt Rodenborg tohöört un denn von 1852 bet 1859 to dat Amt Snevern. Von 1859 bet 1885 weer dat in dat Amt Soltau un na 1885 in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Landkreis Heidkreis heet.
De Oort höört al von öllers bi de Buurschop un later de Gemeen Woltern mit bi, de an’n 1. März 1974 mit de Gemeenreform in Neddersassen Deel von de Gemeen Soltau worrn is. Sietdem höört de Oort to de Oortschop Woltern, de en egen Oortsvörsteiher hett.
Inwahnertall ännern
| Johr | Inwahners |
|---|---|
| 1848[1] | 10 Lüüd, 2 Hüüs |
| 1. Dezember 1871[2] | 10 Lüüd, 2 Hüüs |
| 1. Dezember 1885[3] | 8 Lüüd, 2 Hüüs |
| 1. Dezember 1905[4] | 17 Lüüd, 3 Hüüs |
Religion ännern
Huckenrieth is evangeelsch-luthersch präägt un höört to dat Kaspel von de Hillig-Geist-Kark in Woltern.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Weertschop un Infrastruktur ännern
Verkehr ännern
Dör Huckenrieth löppt de Kreisstraat 1 (bet 2014 Bundsstraat 3), de in’n Noorden över Surbossel na Häbe an de B 3 geiht un in’n Süden över Ahlften na Soltau an de B 71.
De nächste Autobahn is de Autobahn 7 (Afsnidd Hamborg–Hannover). De Opfohrt 44 Soltau-Oost liggt so negen Kilometer in’n Süüdoosten von Huckenrieth an de B 71.
De nächste Bahnhoff is so bi twee Kilometer wied weg in’n Süden de Bahnhoff Woltern an de Heidbahn.
Footnoten ännern
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 103
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 155