Surbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05199 | |
| Geograafsche Laag: | Koordinaten:53° 4′ N, 9° 51′ O53° 4′ N, 9° 51′ O | |
|
| ||
Surbossel (hoochdüütsch Surbostel) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Häbe.
Geografie ännern
De Oort liggt in de Lümbörger Heid. Dat Water ut dat Rebeed flütt na de Böhm hen af.
De Naveröörd sünd Häbe in’n Noordoosten, Langwedel un Timmerloh in’n Oosten, Hillen un Deimen in’n Süüdoosten, Huckenrieth in’n Süden, Woltern un Reimen in’n Süüdwesten, Gröps un Langloh in’n Westen un Hämsen un Fraas in’n Noordwesten.
Historie ännern
Surbossel kummt 1375 as tho deme zuderborstele toeerst in de Oorkunnen vör. De Naam von’n Oort sett sik tohoop ut Süder- un -bossel. Dat düüdt dor op hen, dat dat fröher villicht in de Neegd ok en Noorderbossel geven hett, von den wi vondaag aver nix mehr weet.
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Woltern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Soltau in’n Kanton Wasra.
De Oort hett vör 1852 to de Amtsvaagdie Snevern in dat Amt Rodenborg tohöört un is in dat Johr denn in dat ne’e Amt Snevern wesselt. Dit Amt hett blots söven Johr bestahn. Von 1859 bet 1885 hett Surbossel to dat Amt Soltau höört. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Heidkreis heten deit.
De Oort hett von öllers bi de Gemeen Häbe bihöört, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Surbossel binnen de Gemeen to de Oortschop Häbe, de en egen Oortsvörsteiher hett.
Inwahnertall ännern
| Johr | Inwahners |
|---|---|
| 1791[1] | 2 Füürsteden |
| 1812[2] | 40 |
| 1824[3] | 4 Füürsteden |
| 1848[4] | 56 Lüüd, 9 Hüüs |
| 1. Dezember 1871[5] | 43 Lüüd, 7 Hüüs |
| 1. Dezember 1885[6] | 46 Lüüd, 9 Hüüs |
| 1. Dezember 1905[7] | 56 Lüüd, 8 Hüüs |
Religion ännern
Surbossel is evangeelsch-luthersch präägt un höört to dat Kaspel von de Fredenskark in Häbe. Düsse Kark is 1956 boot un 1961 egenstännige Karkengemeen worrn. Vörher hett de Oort to dat Kaspel von de Peter-un-Paul-Kark in Snevern tohöört.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur ännern
För Surbossel is de freewillige Füürwehr Häbe mit tostännig.
Verkehr ännern
Surbossel liggt nich wied af von de Kreisstraat 1, de in’n Noorden na Häbe an de Landsstraat 170 geiht un dor ok an de Bundsstraat 3 anbunnen is. In’n Süden löppt de K 1 na Soltau an de B 71.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so teihn Kilometer in’n Noordoosten von Surbossel an de B 3.
De nächste Bahnhoff is so bi fiev Kilometer wied weg in’n Süden de Bahnhoff Woltern an de Heidbahn. Fröher hett dat ok dree Kilometer in’n Süüdwesten in Gröps en lüttjen Bahnhoff an de Heidbahn geven, de vondaag aver nich mehr besteiht.
Scholen ännern
De Kinner ut Surbossel gaht in Snevern op de Grundschool an’t Pietzmoor.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 224
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 592
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153