Iemeckenheemken
De Iemeckenheemken (Myrmecophilidae) sünd en Familie mank de Haupeer (Orthoptera). Weltwiet höört dor 71 Aarden in 5 Geslechter to.[1].Dat Geslecht Myrmecophilus hett de meisten Aarden un kummt as eenzig Geslecht ok in Europa vor.
| Iemeckenheemken | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Systematik | ||||||||||||||||||||
| ||||||||||||||||||||
| Wetenschoplich Naam | ||||||||||||||||||||
| Myrmecophilidae | ||||||||||||||||||||
| Saussure, 1874 |
Kennteken ännern
Dat hannelt sik um lüttje Heemken. Ehr Lief is twuschen 2 un bi 12 Millimeters lang, bi de meisten Aarden avers man bloß bit hen to 4 mms. De lüttjen Aarden sünd dor de lüttjesten Haupeer mit.[2].Meist sünd se hellbruun oder geel, hen un wenn ok dunkelbruun. Bi all Aarden gifft dat keen Flunken. De Ogen sünd man lüttjet un to’n Deel vermickert. Höörgöter hefft se gor nich. Man all Aarden könnt mit de Föhlspriete good föhlen. Lange Anhäng an’t Achterlief (Cerci) hefft se ok all. Bi de Mundwarktüge hefft se de Hypopharynx as en Tungen to’n Licken utbillt.[3] De Achterschenkels sünd bannig grötter, tominnst de wecken Aarden könnt dor mit jumpen un sünd dor ok bi sehn wurrn. De meisten Aarden verscheelt sik vun dat Utsehn nich groot.
Wie se leven doot ännern
All Aarden leevt in de Hüser vun soziale Insekten, sunnerlich bi Iemecken, man de wecken Aarden ok bi Termiten. Se leevt in Nester in’e Eer just so, as in Hollten in Holtstämme etc. Vun düsse Levensumstänn hefft se ok ehren Naam vun weg.
Sowiet, as dat bekannt is, leevt Iemeckenheemken as Parasiten bi ehre Weerte un klaut vun ehre Büte un ehr Freten. Dat gifft ok Aarden, de könnt dör Begrabbeln den Foderreflex bi de Iemecken utlösen. En poor Aarden, dormank wohrschienlich Myrmecophilus acervorum vermehrt sik dör Jumferntügen. Mank jem gifft dat keen Heken oder se sünd man roor. Nadem de Eier riep sünd, leggt dat Seken mit sien Leggrohr de Eier nich deep (1-2 mms) in dat Substrat in’n Iemeckenbo. Nadem se utkrapen sünd, treckt se as Nymphe veermol de Huud ut un sünd denn utwussen. Dat ganze Johr lang sünd Nymphen un adulte Deerter neven’anner to sehn. De Olen könnt twee, unner Umstänn sogor dree Johre oold weern.
Phylogenie un Systematik ännern
Na molekulare Analysen mit Hölp vun homologe [[DNA]-Sequenzen is dat kloor, datt de Iemeckenheemken to de Grylloidea tohören doot. Dat kann angahn, dat ehre Sustergrupp de Familie vun de Kröpelhunnen (Gryllotalpidae)[4][5] oder Echte Heemken (Gryllidae)[6] sünd.
To de Familie höört bloß man een Unnerfamilie (Myrmecophilinae) mit fiev hüdige Geslechter[7].
- Myrmecophilus mit 57 Aarden[8], dorvun 9 in Europa.[9] Noch 2013 is up de Balearen een Aart neet beschreven wurrn.[10]
- Myrmophilellus mit twee Aarden (Oostafrika, Süüdasien). Heken sünd unbekannt.
- Eremogryllodes mit tein Aarden (Westasien, Nordafrika)
- Microbothriophylax mit der eenzige Aart Microbothriophylax mica[11] (Araabsch Halfeiland)
- Camponophilus mit de eenzige Aart Camponophilus irmi[12] (Borneo)
Fossile Belege ännern
Bitherto is man bloß een fossile Aart ut düsse Familie beschreven wurrn, dat is Araripemyrmecophilops gracilis. Bi den Fund hannelt sik dat um en Kompreschoonsfossil ut Kalksteen ut Crato in Brasilien[13]. He stammt ut de Kried un is bi 112 bit 125 Mio. Johre oold.
Literatur ännern
- Piotr Nasrecki: Grasshoppers and their relatives. Encyclopedia of Biodiversity Volume 3. Academic Press, 2000. ISBN 0122268652
Belege ännern
- ↑ Sigfrid Ingrisch: Order Orthoptera Oliver, 1789. In: Zhang, Z.-Q. (Ed.) Animal biodiversity: An outline of higher-level classification and survey of taxonomic richness. Zootaxa 3148: 195–197.
- ↑ Douglas W. Whitman (2008): The significance of body size in the Orthoptera: a review. Journal of Orthoptera Research 17(2): 117-134.
- ↑ Fritz Schimmer (1909): Beitrag zu einer Monographie der Gryllodeengattung Myrmecophila Latr. Zeitschrift für wissenschaftliche Zoologie 93: 409. scan online
- ↑ Zhijun Zhou, Haiyan Ye, Yuan Huang, Fuming Shi (2010): The phylogeny of Orthoptera inferred from mtDNA and description of Elimaea cheni (Tettigoniidae: Phaneropterinae) mitogenome. Journal of Genetics and Genomics 37: 315−324.
- ↑ J. Daniel Fenn, Hojun Song, Stephen L. Cameron, Michael F. Whiting (2008): A preliminary mitochondrial genome phylogeny of Orthoptera (Insecta) and approaches to maximizing phylogenetic signal found within mitochondrial genome data. Molecular Phylogenetics and Evolution 49: 59–68.
- ↑ Frederic Legendre, Tony Robillard, Hojun Song, Michael F. Whiting, Laure Desutter-Grandcolas (2010): One hundred years of instability in ensiferan relationships. Systematic Entomology 35: 475–488.
- ↑ Myrmecophilidae bei Orthoptera Species File online (Version 5.0/5.0)
- ↑ Myrmecophilus (www.myrmecophilus.de) von Thomas Stalling, Stand 2013
- ↑ Heller, K.-G., Korsunovskaya, 0., Ragge, D.R., Vedenina, V., Willemse, F., Zhantiev, R.D. & Frantsevich, L. (1998): Check-List of European Orthoptera. Articulata Beiheft 7: 1-61.
- ↑ T. Stalling (2013): A new species of ant-loving cricket from Mallorca, Balearic Islands, Spain (Orthoptera, Myrmecophilidae). Graellsia 69(2): 153-156.
- ↑ A.V. Gorochov (1993): Grylloidea (Orthoptera) of Saudi-Arabia and adjacentt countries. Fauna of Saudi-Arabia 13 79-97.
- ↑ Siegfrid Ingrisch (1995): Eine neue Ameisengrille aus Borneo (Ensifera: Grylloidea). Entomologische Zeitschrift 105 (21): 421-440.
- ↑ R.G. Martins-Neto(1991): Sistemática dos Ensifera (Insecta, Orthopteroida) da Formação Santana, Cretáceo Inferior do Nordeste do Brasil. Acta Geologica Leopoldensia 32: 5-160.
