Industrie- un Hannelskamer Stood för den Elv-Werser-Ruum

De Industrie- un Hannelskamer Stood för den Elv-Werser-Ruum (IHK Stood) is dör Gesett verankert de Sülvsverwaltungsorganisatschoon för de gewarvliche Weertschop in dat Rebeed von de Landkreise Stood, Cuxhoben, Rodenborg, Oosterholt un Veern. De Industrie- un Hannelskamer is tostännig för 47.000 Bedrieven in dit Rebeed. Se hett ehren Seet in’n Schaperstieg 2 in Stood un Geschäftsstellen in Veern (siet 1946) un Cuxhoben (siet 1958).

De IHK is Liddmaat von’n Düütschen Industrie- un Hannelskamerdag, de IHK Noord un de Kamerunion Elv/Oder.

De IHK Stood is en Körperschaft des öffentlichen Rechts na dat IHK-Gesett von’n Bund[1] un dat neddersassische Utföhrungs-Gesett to dat IHK-Gesett. Se ünnerliggt de Rechtsopsicht von dat Land.

HistorieBearbeiten

Mit en Verordnung von’n 23. Oktober 1866 sünd in de Landdrostie Stood binnen dat Königriek Hannover veer Hannelskamern inricht worrn, in Stood, Veern, Buxthu un Geestmünn. 1870 is dat Königriek Hannover von Prüßen annekteert worrn. An’n 1. Oktober 1871 sünd de Hannelskamern in Stood un Buxthu al wedder oplööst worrn. Dat Rebeed hett denn to de Industrie- un Hannelskamer Horborg höört.

De Hannelskamern doot siet 1924 Industrie- un Hannelskamern heten. In de Tied von’n Natschonalsozialismus sünd de Kamern na dat Führerprinzip utricht worrn un dröffen sik nich mehr sülvs verwalten. 1937 is na dat Groot-Hamborg-Gesett de IHK Horborg oplööst worrn un dat Rebeed von de hüdige IHK Stood is an de IHK Wersermünn kamen. 1942 sünd de IHKs in Goweertschopskamern ümwannelt worrn. Dat Rebeed von de hüdige IHK Stood hett to de Goweertschopskamer Hannover-Oost tohöört.

Na’n Tweten Weltkrieg hett de Regerungspräsident von’n Regerungsbezirk Stood an’n 7. Juli 1945 en Weertschopskamer för de Landkreise Stood, Land Hadeln un Bremervöör un de fröher hambörgsche Stadt Cuxhoben oprichten laten. Dat weer de Geboortsstünn von de hüdige IHK Stood. 1946 sünd dor noch Rodenborg un Veern (von de vörher egenstännige IHK Veern) un 1947 Wersermünn un Oosterholt tokamen, de vörher to de Industrie- un Hannelskamer Wersermünn tohöört harrn (1947 is ut Wersermünn dat hüdige Bremerhoben en Deel von dat Bundsland Bremen worrn). De IHK hett denn Industrie- un Hannelskamer von’n Regerungsbezirk Stood heten. Nadem de Regerungsbezirk Stood to’n 1. Januar 1978 oplööst worrn is, is de Naam von de IHK ännert worrn op Industrie- un Hannelskamer Stood för den Elv-Werser-Ruum.

PräsidentenBearbeiten

Cuxhoben:

  • –1946: Hans Hermanns

Veern:

Stood:

  • 1945–1946: Leonhard Rudloff
  • 1946–1948: Wilhelm Sander
  • 1948–1953: Christian Kramer
  • 1953–1957: Diedrich Hahn
  • 1957–1963: Heinz Winkelmann
  • 1968–1975: Kurt Hahn
  • 1975–1981: Hans Ehlermann
  • 1981–1989: Gustav G. Hebold
  • 1989–1996: Hinrich Heineke
  • 1996–2000: Rolf Stöver
  • 2000–2009: Hans-Peter Kolzen
  • 2009–2015: Lothar Geißler
  • 2015–November 2018: Thomas Windgassen
  • November 2018–September 2019: Andreas Meyer (as Interimspräsident)
  • September 2019–: Matthias Kohlmann

LiteraturBearbeiten

  • Gunter Kuhlmann: 125 Jahre IHK Stade: 1867-1992. Partner einer sich wandelnden Wirtschaft im Elbe-Weser-Raum. 1992

FootnotenBearbeiten

  1. http://www.bundesrecht.juris.de/ihkg/index.html Gesetz zur vorläufigen Regelung des Rechts der Industrie- und Handelskammern vom 18. Dezember 1956 (BGBl. I S. 920), toletzt ännert dör Artikel 7 von dat Gesett von’n 11. Dezember 2008 (BGBl. I S. 2418)

WeblenkenBearbeiten