Kammdiek

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Belen
Inwahners:
Postleettall:	21785
Vörwahl:	04752
Geograafsche Laag:	53° 48′ N, 9° 1′ O

Kammdiek (hoochdüütsch Kammdeich) is en Hoff in de Gemeen Belen (Samtgemeen Land Hadeln) in’n Landkreis Cuxhoben, Neddersassen. De Oort höört polietsch von öllers bi Belen mit bi.

Geografie

De Naveröörd sünd Belener Schanz un Neehüserdiek in’n Noordoosten, Neehuus in’n Süüdoosten, Bülsdörp, Hollannerhoff un Buckhoff in’n Süden, Bahrdörp in’n Westen un Belen in’n Noordwesten.

Historie

De Hoff höört vondaag de Familie Leydecker-Ramm to, de dor en Hähnchenmast-Bedriev hett.

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	4 Füürsteden
1824-00-001824	4 Füürsteden
1848-00-001848	10 Lüüd, 1 Huus
1871-12-011. Dezember 1871	8 Lüüd, 1 Huus

Religion

Kammdiek is evangeelsch-luthersch präägt un höört to dat Kaspel von de Vitus-Kark in Belen.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

An Kammdiek langs löppt de Bundsstraat 73, de in’n Westen över Belen un Oterndörp na Cuxhoben geiht un in’n Süüdoosten över Neehuus, Kumbarg un Hemmoor na Stood.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 23 Kilometer in’n Noordwesten von Kammdiek.

De nächste Bahnhoff is so bi söven Kilometer wied weg in’n Süüdoosten de Bahnhoff Kumbarg an de Nedderelvbahn.