Kanton Bremerleh
De Kanton Bremerleh weer as Kanton en Verwaltungsrebeed in de Franzosentied (1810-1813). De Seet weer Bremerleh.
Historie
ännernDat Rebeed weer vörher Deel von dat Hertogdom Bremen (Kurförstendom Hannover) un hett dor to dat Amt Leh un dat Gericht Beverst höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Kanton Bremerleh een von de Kantons in’n Distrikt Bremervöör von dat Departement von de Elv- un Wersermünn. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. An’n 1. Januar 1811 is denn ok dat Hertogdom Ollnborg Deel von dat Kaiserriek worrn. Dorüm hett de Kanton Bremerleh Landwörden ut Ollnborg to sien Rebeed tokregen. De Kanton Bremerleh weer nu een von de söss Kantons, ut de de Distrikt Bremerleh in dat Departement von de Wersermünnen tohoopsett weer.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover un dat Hertogdom Ollnborg sünd denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Hertogdom dat Groothertogdom Ollnborg worrn un ut dat Kurförstendom dat Königriek Hannover.
De Kanton harr 8812 Inwahners[1] un weer indeelt in fiev Mairien:
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102
Beers | Beverst | Blomendal | Bremerleh | Bremervöör | Dorum | Hagen | Hanst | Hu’e | Leendaal | Oosterholt | Otterbarg | Stotel
