Karkenkreis Leendaal

De evangeelsch-luthersche Karkenkreis Leendaal weer en Karkenkreis in Neddersassen. He höör bi’t Sprengel Stood von de Evangeelsch-luthersche Landskark Hannover. To’n Karkenkreis Leendaal hebbt ölven Kaspels höört. De Karkenkreis harr sien Seet in Leendaal.

Geografie

De Karkenkreis Leendaal leeg in’n Noorden von Neddersassen. Dat Rebeed höört to’n Landkreis Oosterholt.

Historie

De Karkenkreis is 1826 billt worrn. Vörher weren de Kaspels bet 1803 Deel von’n Breemschen Karkenkreis, de sien Seet in’n Bremer Doom harr un denn von 1803 (nadem de Doombezirk von Bremen-Veern an de Stadt Bremen wesselt is) bet 1826 von’n Karkenkreis Achem. De ne’e Karkenkreis hett to de Tied noch Karkenkreis Otterbarg heten. Dor hebbt de Karkengemenen ut de Ämter Otterbarg un Leendaal tohöört. 1853 sünd Worpsweed un Huttenbusch ut dat Amt Oosterholt, de vörher in’n Karkenkreis Oosterholt weren, Deel von’n Karkenkreis Otterbarg worrn. De Seet von Supperndent is 1890 von Otterbarg na Truup (Leendaal) leggt worrn un de Karkenkreis hett denn Karkenkreis Truup-Leendaal un later blots noch Karkenkreis Leendaal heten.

De Karkengemenen in Hu’e, Otterbarg un Otterst sünd later denn na’n Karkenkreis Veern wesselt.

An’n 1. Januar 1970 is de Karkenkreis Leendaal mit’n Karkenkreis Oosterholt tohoopleggt worrn.

Karkengemenen in’n Karkenkreis Leendaal

Supperndenten

1939-1969: Friedrich Frerichs