Katthusen
Dit Woort hett noch annere Bedüden: kiek dorför ünner Katthüserdeel.
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 48′ N, 8° 53′ O53° 48′ N, 8° 53′ O | |
|
| ||
Katthusen (hoochdüütsch Katthusen) is en Hoff in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
In’n Süden von’n Hoff Katthusen in de Gemeen Neenkarken liggt de Oortsdeel Katthüserdeel, de sien Naam von’n Hoff kregen hett. Düsse Oortsdeel warrt ok fakener eenfach blots Katthusen nöömt.
Geografie ännern
De Oort liggt in Land Hadeln in de Masch von de Ünnerelv. Dat Water ut dat Rebeed flütt över Gravens na de Mehm.
De Naveröörd sünd Oterndörp in’n Noorden, Scholen in’n Oosten, Brüünhemm un Neenkarken in’n Süüdoosten, Höden un Höörfelln in’n Süden, Dellnwort in’n Süüdwesten, Süderwisch in’n Westen un Aßel in’n Noordwesten.
Historie ännern
Verwaltungsgeschicht ännern
De Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is de Hoff an de Stadt Oterndörp kamen.
Inwahnertall ännern
| Johr | Inwahners |
|---|---|
| 1791[1] | 1 Füürsteed |
| 1. Dezember 1871[2] | 14 Lüüd, 1 Huus |
| 1. Dezember 1885[3] | 11 Lüüd, 1 Huus |
| 1. Dezember 1905[4] | 6 Lüüd, 1 Huus |
Religion ännern
Katthusen is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur ännern
För Katthusen is de freewillige Füürwehr Oterndörp mit tostännig.
Verkehr ännern
Katthusen liggt an en Siedenstraat von de Landsstraat 118, de in’n Süüdwesten över de Lee, Oosterwannen un Westerwannen na Niewohl un Debst geiht un in’n Noorden na de Bundsstraat 73 un na Oterndörp. De B 73 föhrt in’n Noordwesten över Olenbrook na Cuxhoben un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 14 Kilometer in’n Noordwesten von Katthusen an de B 73.
De nächste Bahnhoff is so bi twee Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 125
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 69