Mairie Wessen
De Mairie Wessen weer in de Franzosentied (1810 bet 1813) een von de dree Mairien, in de de Kanton Rethen indeelt weer. De Seet weer in Wessen. Se harr 2604 Inwahners.[1]
Historie
ännernDe Ümgegend von Wessen hett vör de Franzosentied to dat Amt Wessen, de Huusvaagdie von dat Amt Rethen un de Vaagdie Hassel in dat Amt Heien höört. Dat Amt Heien weer in de Graafschop Heien un de Ämter Wessen un Rethen in dat Förstendom Lümborg, wat allens in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Wessen een von de söss Mairien in’n Kanton Wessen von’n Distrikt Veern, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Wessen weer nu een von de dree Mairien in’n Kanton Rethen, Distrikt Neenborg, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to fiev Mairien höört harrn: de Mairien Wessen, Dörbern un Städörp ut’n Kanton Wessen, de Mairie Stäbargen ut’n Kanton Veern un de Mairie Hülsen ut’n Kanton Rethen. Von de Mairie Stäbargen is blots de Oort Ahnbargen an de Mairie Wessen fullen. De annere Deel is an de Mairie Veern kamen. Von de Mairie Hülsen is de Oort Hülsen an de Mairie Wessen gahn un de ganze Rest an de Mairie Rethen.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Kaiserriek Frankriek:[1]
Vondaag sünd düsse Öörd all Deel von de Gemeen Dörbern.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 112
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 23