Loohoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27313 | |
| Vörwahl: | 04234 | |
| Geograafsche Laag: | Koordinaten:52° 51′ N, 9° 11′ O52° 51′ N, 9° 11′ O | |
|
| ||
De Loohoff (hoochdüütsch Lohof) is en Hoff in de Gemeen Dörbern in’n Landkreis Veern, Neddersassen.
Geografie
ännernDe Hoff liggt in en Bagen von de Werser op Maschland un is op dree Sieden von’n Stroom ümgeven.
De Naveröörd sünd Rie’e in’n Noorden, Stäbargen un Geesfeld in’n Noordoosten, Städörp in’n Oosten, Dörbern in’n Süüdoosten, Barme in’n Süden, Wienbargen un Hilgermissen in’n Süüdoosten un Magelsen in’n Noordwesten.
Historie
ännernDe Hoff kummt 1370 toeerst in de Oorkunnen vör un weer fröher en Riddergood. 1883 hett de Ünnernehmer Richard Hesse ut Veern dat Good köfft un dor 1912 dat hüdige Goodshuus boon laten.
Von 1909 bet 1911 is de Werserbagen, op den de Loohoff liggt, dör en Slüsenkanaal afsneden worrn un dormit liggt de Hoff nu op en „Insel“ in’e Werser.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Wessen in’n Kanton Rethen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hassel in dat Amt Heien tohöört un is denn in dat Amt Wessen wesselt. Aver al 1859 is dat Amt Wessen oplööst worrn un Loohoff hett von 1859 bet 1885 to dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem tohoopleggt worrn is un den ne’en un grötteren Kreis Veern billt hett.
De Oort hett vör 1852 to Hassel höört un is sietdem Deel von de Gemeen Städörp, de an’n 1. Oktober 1962 Deel von de Gemeen Dörbern worrn is.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1812[2] | 18 |
| 1824[3] | 1 Füürsteed |
| 1848[4] | 1 Hoff |
| 1. Dezember 1871[5] | 9 Lüüd, 1 Huus |
| 1. Dezember 1885[6] | 19 Lüüd, 1 Huus |
| 1. Dezember 1905[7] | 4 Lüüd, 1 Huus |
Religion
ännernDe Loohoff is evangeelsch-luthersch präägt un höört to dat Kaspel von de Cosmae-un-Damiani-Kark in Dörbern.
För de Kathoolschen is de St.-Josef-Kark in Veern tostännig.
Weertschop un Infrastruktur
ännernVerkehr
ännernDör de Laag in en Werserbagen gifft dat blots een Straat von’n Loohoff rut, de na Oosten bi Städörp an de Bundsstraat 215 ran löppt. De B 215 geiht in’n Noorden över Stäbargen un Hänsch na Veern un in’n Süden över Dörbern un Eestrup na Neenborg.
De nächste Autobahn is de Autobahn 27 (Afsnidd Bremen–Wasra). De Opfohrt 25 Veern-Noord liggt so 15 Kilometer in’n Noordoosten von’n Loohoff an de B 215.
De nächste Bahnhoff is so bi fiev Kilometer wied weg in’n Süüdoosten de Bahnhoff Dörbern an de Bahnlien Bremen–Wunsdörp.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 144
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 113
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 380
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 60
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181
Ahnbargen | Baame (mit Drübber) | Barnstäer | Dienshoop | Dörbern | Hülsen | Stäbargen | Städörp (mit Bössel, Loohoff un Geesfeld) | Wahnbargen | Wessen (mit Hiddenhusen un Noke)