Malst
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 8,55 km² | |
| Inwahners: | 240 | |
| Inwahnerdicht: | 28,1 Inwahners pro km² | |
| Postleettall: | 27446 | |
| Vörwahl: | 04762 | |
| Geograafsche Laag: | Koordinaten:53° 26′ N, 9° 16′ O53° 26′ N, 9° 16′ O | |
|
| ||
Malst (hoochdüütsch Malstedt) is en Dörp in de Gemeen Deins in’n Landkreis Rodenborg, Neddersassen. De Oort liggt an de Bever.
To Malst höört ok de Hüüs von Scharmbusch an’e Straat na Byhusen mit to.
Geografie
ännernDe Naveröörd sünd Byhusen in’n Noorden, Farven in’n Noordoosten, Ohrel in’n Süüdoosten, Rohr un Deins in’n Süüdwesten, Plönjeshusen in’n Westen un Bevern in’n Noordwesten.
Historie
ännernMalst kummt 1132 as Malstede toeerst in de Oorkunnen vör, as de Greven von Stood de Watermöhl an de Bever an dat St.-Georg-Klooster schenkt hebbt. De hüdige Möhl is 1763 boot worrn.
In’n Eersten Weltkrieg sünd fiev Soldaten ut Malst fullen oder vermisst[1].
In’n Tweten Weltkrieg hett dat Dörp 1945 ok düchtig wat afkregen. Negen Hüüs un 15 Stallen un Schünen sünd dor bi tweigahn.
Malst is 1974 Deel von de Gemeen Deins worrn. De Gemeen Malst weer von 1967 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.
Vondaag gellt Malst as Bioenergiedörp.
Inwahnertall
ännern| Johr | Inwahners |
|---|---|
| 1824[2] | 10 Füürsteden |
| 1848[3] | 129 Lüüd, 22 Hüüs |
| 1. Dezember 1910[4] | 165 |
| 1925[5] | 185 |
| 1933[5] | 218 |
| 1939[5] | 214 |
Religion
ännernMalst is evangeelsch-luthersch präägt un höört to dat Kaspel von de St.-Lamberti-Kark in Sürsen.
In de Tied von dat 16. Johrhunnert harr Malst en egen Kapell. De gifft dat vondaag aver nich mehr. De ole Klock von de Kapell, de 1509 von Hinrich Kock gaten worrn is, is an de Kark in Sürsen gahn un is 1936 as Dörpklock na Byhusen kamen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
ännernDenkmaals för de Fullenen ut den Düütsch-Franzööschen Krieg un de twee Weltkrieg’ staht in Sürsen bi de Kark.
Infrastruktur
ännernVerkehr
ännernMalst liggt an de Kreisstraat 108, de in’n Noorden na Byhusen un Kutenhult löppt un in’n Süüdwesten na Deins un bi Falje an de Bundsstraat 71 ran. Von de K 108 na Oosten af geiht de K 122 na Farven un na Südoosten de K 118 na Ohrel.
De nächste Bahnhoff liggt in Kutenhult an de Bahnlien Buxthu-Bremerhoben.
Footnoten
ännern- ↑ http://www.denkmalprojekt.org/dkm_deutschland/selsingen_1870-71_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 392: http://books.google.de/books?id=tG0AAAAAcAAJ&pg=PA392
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
Weblenken
ännern- Websteed över dat Dörp (hoochdüütsch)