Farm (Landkreis Rodenborg)

Farm is en Oort un Gemeen in de Samtgemeen Sürsen in’n Landkreis Rodenborg (Wümm). In de Gemeen leeft 637 Inwahners (Stand 31. Dezember 2023). De Gemeen hett twee Oortsdelen: Blangen den Hööftoort is dat Byhusen.

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Sürsen

Flach:

25,44 km²

Inwahners:

637 (31. Dezember 2023)

26 m över de See

27446

04762

Koordinaten:53° 26′ N, 9° 20′ O53° 26′ N, 9° 20′ O

Grenzen bi OSM:

1079016

Gemeenslötel:

03 3 57 014

Öörd in de Gemeen:

2

Börgermeester:

Ulrich Mehrkens (WG Farm)

Websteed:

www.selsingen.de/farven.php

Koort

Kreis

Geografie

Farm liggt in Oosten vun’n Landkries Rodenborg (Wümm), ruchweg veerteihn Kilometers vun Bremervöör weg. Dör dat Rebeet verlöpt de Bever, en lütten Stroom, de in de Oost inmünnt un de deelwies för’n Kajaksport egent is. De Landschop warrt vör allen dör de Bueree bestimmt.

De Gemeen grenzt in’n Oosten an den Landkreis Stood mit sien Gemenen Brest un Kutenhult. In’n Westen slutt sik de Eenheitsgemeen Bremervöör an un in’n Süüdwesten de Gemeen Deins. Un in’n Süüden liggt de Gemeen Annerlingen.

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie

De Oort Farm is eerstmols 1132 schriftlich as Verwede nöömt worrn. Dat Wede bedüüt dorbi Woold. In’t 12. Johrhunnert harrn de Graff Rudolf vun Stood un siene Mudder de Graffsche Richardis teemlich veel Land in jemehrn Besitt, worut se veel Inkamen harrn. En Deel dorvun güng an dat St. Georgsklooster in Stood. Üm 1500 weer dat hele Dörp in’n Besitt vun dat Stooder Klooster, man Deensten un Afgaven stünnen de Borg Vörde to.

De Naam vun den Oortsdeel Byhusen, un jüst so ok vun de Familie, warrt op en Neven- oder Bihuus torüchföhrt, wat mööglicherwies de Sitt vun disse Familie weer. Dat warrt annahmen, dat Delen vun de Familie to’n breemschen Deenstadel höört hett. De Familie is denn aver ubekannt na Stood wegtogen. Ok Byhusen weer fröher to’n Deel oder ganz in’n Besitt vun dat Stooder Klooster.

1929 is de Oort Fehrenbrook Deel von de Gemeen Farm worrn. To’n 1. Oktober 1949 is Fehrenbrook denn aver al wedder en egenstännige Gemeen worrn.^[1]

Inwahnertall

Johr	Inwahners
1793-00-001793^[2]	10 Füürsteden
1824-00-001824^[3]	10 Füürsteden
1848-00-001848^[4]	150 Lüüd, 24 Hüüs
1871-12-011. Dezember 1871^[5]	179 Lüüd, 24 Hüüs
1949-10-011. Oktober 1949^[1]	499

Religion

Farm is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik

Gemeenraat

De Gemeenraat vun Farm besteiht ut negen Lüüd. Siet de letzten Kommunalwahl in’n September 2011 sett de sik as folgt tohopen:

Partei	2016	2011	2006
WG Farm	5	5	6
WG Byhusen	4	4	–

Börgermeister

De Börgermeister vun de Gemeen Farm is Ulrich Mehrkens. Sien beiden Vizen sünd Marco Holsten un Heino Gieschen.

Wapen

Dat Farmer Wapen wiest den Hilligen Georg in Gold op’n sülvern Peerd de ’n goldenen Draken dood maakt. De Szeen speelt sik vör’n blauen Achtergrund af un speelt op dat Georgsklooster in Stood an, wo Farm un Byhusen tohöörn deen. Dat ünnere Drüddel is dör en sülvernen Bülgenbalken afdeelt, de as Teken för de Bever steiht. In dat ünnere Feld is en sülvern Hart dorstellt, dat mit en golden sössstrahligen Flammensteern beleggt is. De is övernahmen vun dat Wapen vun de Familie Byhusen, de in den Oortsdeel leevt hett.

Verkehr

De Gemeen warrt vun wegen ehr Randlaag in’n Kreis blots vun Kreisstraten bedeent. Dat een is de K 109, de vun Süüden her ut de Gemeen Annerlingen kummt, un denn dör Farm dör wieter na Noorden na Baaste föhrt. Vun dor verlöpt se wieter in de Richt un geiht in de Gemeen Kutenhult in de K 43 över. Dor ennt se in Soors. De annere is de K 122, de vun Farm na Westen bit na Mals föhrt.

Footnoten

↑ ^a ^b Neues Archiv für Niedersachsen. Band 3, W. Dorn, 1949, Sied 871
↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 73: https://books.google.de/books?id=jN5QAAAAcAAJ&pg=RA1-PA73
↑ C. H. Jansen: Statistisches Handbuch des Königreichs Hannover. 1824, Sied 182: http://books.google.de/books?id=tG0AAAAAcAAJ&pg=PA182
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144

Weblenken

Farm. Mehr Biller, Videos oder Audiodateien to’t Thema gifft dat bi Wikimedia Commons.

Städer un Gemenen in den Landkreis Rodenborg (Wümm)

[NeuesArchiv-1] Neues Archiv für Niedersachsen. Band 3, W. Dorn, 1949, Sied 871

[InwahnertallRef1-2] C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 73: https://books.google.de/books?id=jN5QAAAAcAAJ&pg=RA1-PA73

[InwahnertallRef2-3] C. H. Jansen: Statistisches Handbuch des Königreichs Hannover. 1824, Sied 182: http://books.google.de/books?id=tG0AAAAAcAAJ&pg=PA182

[InwahnertallRef3-4] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141

[InwahnertallRef4-5] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144

[1]

[2]

[3]

[4]

[5]