Waterkroog
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21710 | |
| Vörwahl: | 04144 | |
| Geograafsche Laag: | Koordinaten:53° 39′ N, 9° 20′ O53° 39′ N, 9° 20′ O | |
|
| ||
Waterkroog (hoochdüütsch Wasserkrug) is en lütten Oort in de Gemeen Engelschopp (Samtgemeen Olendörp-Himmelpoorten) in’n Landkreis Stood, Neddersassen.
GeografieBearbeiten
De Naveröörd sünd Engelschopp in’n Noordwesten, Drochtersermoor, Gauensiekermoor, Ritschermoor un Aßlermoor in’n Noordoosten, Hammahermoor, Groot-Steernbarg un Hammah in’n Süüdoosten, Borg, Seemoor, Ossenpohl un Himmelpoorten in’n Süden, Löh un Bredenwisch in’n Süüdwesten un Neeland in’n Westen.
HistorieBearbeiten
VerwaltungsgeschichtBearbeiten
Vör 1885 weer Waterkroog Deel von’n Klooster- un Masch-Distrikt von dat Amt Himmelpoorten. 1885 is de Oort denn Deel von’n Kreis Stood worrn, de 1932 mit de Kreise Jörk un Keden to’n hüdigen Kreis Stood tohoopgahn is.
Waterkroog hett al jümmer to Engelschopp tohöört un weer keen egen Gemeen.
InwahnertallBearbeiten
| Johr | Inwahners |
|---|---|
| 1791[1] | 3 Füürsteden |
| 1. Dezember 1885[2] | 65 Lüüd, 9 Hüüs |
| 1. Dezember 1905[3] | 62 Lüüd, 8 Hüüs |
ReligionBearbeiten
Waterkroog is evangeelsch-luthersch präägt un höört to dat Kaspel von de Petrus-Kark in Host.
För de Kathoolschen is de Hillig-Geist-Kark in Stood tostännig.
Weertschop un InfrastrukturBearbeiten
För Waterkroog is de Freewillige Füürwehr Engelschopp mit tostännig.
VerkehrBearbeiten
Waterkroog liggt an de Kreisstraat 62, de in’n Noordwesten na Engelschopp un Neeland löppt un in’n Süüdwesten över Borg un Ossenpohl na Himmelpoorten an de Bundsstraat 73 ran geiht. Na Oosten to geiht von de K 62 de K 63 af, de över Hammohermoor un Groot-Steernbarg geiht.
De nächste Opfohrt op en Autobahn is de Opfohrt 2 Stood-Süüd in Stood op de Autobahn 26 (Afsnidd Stood–Hamborg), wat so bi 18 Kilometer weg is. In Tokumst schöölt de Autobahnen 26 un 20 utboot warrn un wenn de trech sünd, denn is de nächste Opfohrt de bi Ritsch an de Kreisstraat 28 op de A 26, de denn ganz dicht bi dat Autobahnkrüüz Drochters liggt.
De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi fiev Kilometer weg is.
FootnotenBearbeiten
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 241
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 159