Northauen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28870 | |
| Vörwahl: | 04293 | |
| Geograafsche Laag: | Koordinaten:53° 9′ N, 9° 11′ O53° 9′ N, 9° 11′ O | |
|
| ||
Northauen (hoochdüütsch Narthauen) is en Dörp in de Gemeen Otterbarg in’n Landkreis Veern, Neddersassen.
GeografieÄnnern
In’n Westen, so 500 Meter af, flütt an Northauen de Otterster Beek langs.
De Naveröörd sünd Benkel in’n Noorden, Taaken in’n Noordoosten, Reeßen in’n Süüdoosten, Eckstever in’n Süden, Otterst in’n Süüdwesten un Dipshoorn un Vörwark in’n Noordwesten. Afsehn von Benkel, Eckstever un Otterst doot disse Öörd all in’n Landkreis Rodenborg liggen.
HistorieÄnnern
De Oort kummt 1219 as Nordau dat eerste Maal in de Oorkunnen vör. 1315 dükert en Good in Northauen (do Nortow schreven) as Besitt von Daniel von Borch op.
Northauen hett en Klockentoorn ut Holt, de in de Johren 1960 in’t Dörp opstellt worrn is. Vörher hett de Toorn in Taaken stahn.
VerwaltungsgeschichtÄnnern
Vör 1859 leeg Northauen in de Huusvaagdie Otterbarg von’t Amt Otterbarg un denn in’t Amt Achem. Na 1885 weer de Oort in’n Kreis Achem, de 1932 denn Deel von’n Landkreis Veern worrn is.
Mit de Gemeenreform in Neddersassen an’n 1. Juli 1972 is de Gemeen Northauen Deel von de Gemeen Otterbarg worrn.
InwahnertallÄnnern
| Johr | Inwahners |
|---|---|
| 1824[1] | 22 Füürsteden |
| 1848[2] | 162 Lüüd, 28 Hüüs |
| 1. Dezember 1910[3] | 183 |
| 1925[4] | 197 |
| 1933[4] | 188 |
| 1939[4] | 174 |
| 1. Juli 1972[5] | 190 |
ReligionÄnnern
Northauen is evangeelsch-luthersch präägt un höört to dat Kaspel von de Martinskark in Otterst.
Börgermeesters/OortsvörsteihersÄnnern
Dat Dörp warrt vondaag dör en Oortsvörsteiher vertreden un wählt de Raadslüüd för den Oortsraad Otterst mit.
Börgermeesters:
- -1968: Louis Sackmann
- 1968-1972: Helmut Johannsen
Oortsvörsteihers:
- 1972-1996: Helmut Johannsen
- 1996-2011: Claudia Dieckhoff-Glatt
- Juli 2011-: Reinhard Schloo
KulturÄnnern
De Vereen Dörpgemeenschop Northauen hett sik 1988 grünnt un hett sik denn ok dor för insett, dat Northauen en Dörphuus kriggt. Dat is 1994/1995 boot worrn.
Weertschop un InfrastrukturÄnnern
För Northauen is de freewillige Füürwehr Otterst mit tostännig.
VerkehrÄnnern
Northauen liggt an de Kreisstraat 4, de in’n Noordoosten in’n Landkreis Rodenborg to de K 202 warrt un na Taaken geiht. In’n Süüdwesten geiht se na Otterst un dor an de Landsstraat 132 ran, de denn wiedergeiht na Otterbarg. In’n Noorden geiht de K 35 na Benkel. Ans gifft dat noch en lüttjere Straat na Reeßen. De nächste Opfohrt op de Autobahn 1 (Afsnidd Hamborg–Bremen) is de Opfohrt 50 Stuckenbossel, de so bi negen Kilometer weg is.
De nächste Bahnhoff is de Bahnhoff Otterbarg an de Bahnlien Bremen–Hamborg un so bi acht Kilometer weg.
WeertschopÄnnern
Dat gröttste Ünnernehmen in Northauen is de Heinrich Holtmeyer & Söhn GmbH, en Saagwark.
LiteraturÄnnern
- Nordau 1219, Narthauen 1996: 777 Jahre Leben und Geschichte unseres Dorfes. Northauen 1996
- Dietrich Ostmann, Horst-Günther Vogeler, Gernot Wolcke: Bilder aus Ottersberg: Und den Ortsteilen Otterstedt, Eckstever, Narthauen, Benkel, Posthausen, Fischerhude und Quelkhorn. Atelier im Bauernhaus, 1985
FootnotenÄnnern
- ↑ C. H. Jansen: Statistisches Handbuch des Königreichs Hannover. 1824, Sied 422: http://books.google.de/books?id=tG0AAAAAcAAJ&pg=PA422
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/achim.htm
- ↑ a b c http://www.verwaltungsgeschichte.de/verden.html
- ↑ http://spd-ottersberg.de/imperia/md/content/bezirknord-niedersachsen/ottersberg/presseartikel/rundschau/2012/120822 verwaltungsreform.pdf
