Hauptmenü öffnen
Wapen/Flagg Koort

Wapen vun Reeßen

Reeßen
Laag vun Reeßen in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Söttmer
Flach: 28,47 km²
Inwahners: 1712 (31. Dezember 2017)
Hööchd: 20 m över de See
Postleettall: 27367
Vörwahl: 04264, 04268
Geograafsche Laag:
Koordinaten:53° 7′ N, 9° 13′ O
53° 7′ N, 9° 13′ O
Grenzen bi OSM: 965605 965605
Gemeenslötel: 03 3 57 037
Öörd in de Gemeen: 6
Börgermeester: Wilfried Kirchner (CDU)
Websteed: www.ressum.de
Koort
Kreis
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Reeßen in’n Landkreis Rodenborg (Koort lett sik anklicken)

Reeßen is en Oort un Gemeen in de Samtgemeen Söttmer in’n Landkreis Rodenborg (Wümm) in Neddersassen. De Gemeen ümfaat söss Oortsdelen mit tosamen 1712 Inwahners (Stand 31. Dezember 2017).

GeografieÄnnern

Dat Rebeet vun de Gemeen Reeßen warrt na Noorden to vun de Gemeen Horß begrenzt, na Oosten hen liggt de Gemeen Boitzen un in’n Süüden de Gemeen Söttmer. In’n Westen grenzt Reeßen an de Gemeen Otterbarg, de to’n Landkreis Veern höört.

De Landschop is in de Gemeen landweertschopplich prägt. En Markmol is dat sumpige Sietland vun de Wiest, de vun Noorden her dör den Oostdeel vun de Gemeen wieter na Söttmer verlöpt un in’n Süüden vun Otterbarg in de Wümm inmünnt. Fröher schqall dat hier veel Woold geven hebben.

GeologieÄnnern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

HistorieÄnnern

De eersten Siedlers in’t Rebeet vun de Gemeen schüllt twüschen 4000 un 2000 v. Chr. kamen wesen – so warrt dat ut Grafffeller afleidt, de an verscheeden Steden funnen worrn sünd. Eerste allgemene Schriftstücken stammt ut de Tiet üm Christi Geboort vun de Römers, as in dat Rebeet en Stamm vun de Chauken leevt hett. De weern tweehunnert Johr later vun de Sassen verdreven. Dat Rebeet weer denn in Gauen indeelt, un de hüütige Gemeen höör to’n Gau Waldsati.

PolitikÄnnern

OortsdelenÄnnern

De Gemeen Reeßen besteiht ut söss Oortsdelen:

Ut Sicht vun de Verwalten sünd dat blots veer Oortsdelen, vun wegen dat Bittstedt un Platenhof to Taaken rekent warrt.

GemeenraatÄnnern

De Gemeenraat vun Reeßen sett sik ut ölven Liddmaten tosamen. Siet de letzten Kommunalwahl in’n September 2016 sünd de Sitten as folgt verdeelt:

Partei 2016 2011 2006
CDU 6 7
SPD 3 4
Gröne 2
BLW 8
parteilos 3

BörgermeestersÄnnern

De Börgermeester vun Reeßen is Wilfried Kirchner, de jüst as sien Viez, Herbert Cordes, vun de CDU stellt warrt. De tweete Viez is Hartmut Worthmann vun de SPD.

Tied Naam Partei
1968-1996 Willi Schröder
1996- Wilfried Kircher CDU

Willi Schröder is 1996 Ehrenbörgermeester von Reeßen worrn.

WapenÄnnern

Dat Wapenschild is schraag veerdeelt, wobi de Feller baven un ünnen in root, de links un rechts in sülver hollen sünd. In’t bövere Feld staht twee schraag krüüzte Gevelbreed mit na buten wennte Peerköpp, links is en rode Klock afbillt, rechts en rode Borenklau un ünnen en sülverne Slöhblööt.

De veer Feller staht vör de veer ehmols sülvstännigen Oortsdelen Clüversborstel, Reeßen, Sleßel un Taaken. De Peerköpp staht dorbi för Taaken un sünd en Teken för den Freden in de Gemeen. De olle Klockentorrn vun Reeßen warrt mit de Klock betekent, wiel de Borenklau ut dat Wapen vun dat Adelsgeslecht Clüver stammt. Sleßel warrt dör de Slöh betekent, vun wegen dat dor fröher vele Slöhhecken stahn hebbt.

KulturÄnnern

Dat kulturelle Leven in de Gemeen is tomeist in Verenen organiseert, as ok in annere Gemenen vun’n Landkreis. Dat gifft en ganze Reeg vun verscheeden Verenen, anfungen bi de Freewilligen Füerwehr mit Oortsverenen in Reeßen, Clüversborstel, Sleßel un Taaken. In sportliche Richt gaht de Schüttenverenen vun Reeßen un vun Taaken, as ok de SV Clüversborstel, de SV Taaken un de TuS Reeßen. Butendendem gifft dat in Clüversborstel noch den Backhuusvereen, den Vereen to’n Föddern vun’t neddersass’sche Kulturgoot un en Grupp vun de Paddsökers.

VerkehrÄnnern

Dör dat Gemeenrebeet verlöpt de Bundsautobahn 1. De nächste Anslusssteed is de Opfohrt 50 Stuckenbossel in de Gemeen Söttmer. Wieter gifft dat veer Kreisstraten in de Gemeen: In’n Süüden verbinnt de K 204 Reeßen mit Söttmer. In de annern Richt verlöpt se as K 242 wieter in’n Landkreis Veern, woneem se as K 36 na Otterbarg föhrt. In’n Noorden verbinnt de K 202 de Oortsdelen Taaken, Bittstedt un Sleßel mitenanner. Na Oosten hen föhrt se wieter över Boitzen bit an de B 75, wiel se in’n Westen op Otterbarg toföhrt un in de K 4 vun’n Landkreis Veern övergeiht. Opletzt twiegt bi Taaken noch de K 201 af, de na Horß geiht.

WeblenkenÄnnern