Northum
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04741 | |
| Geograafsche Laag: | Koordinaten:53° 44′ N, 8° 37′ O53° 44′ N, 8° 37′ O | |
|
| ||
Northum (hoochdüütsch Northum) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Millm mit bi.
Geografie
ännernDe Oort liggt op de Kant von de Geest (Hoge Lieth) na dat Siedland von de Masch von Land Wusten (söss Kilometer af von de Noordsee). Deelwies is dat Rebeed ok Moor. Na Noorden slütt sik an’n Oort de Northumer Beek an.
De Naveröörd sünd Hartingspecken un Scharnst in’n Noorden, Wanhöden in’n Noordoosten, Millm un Sorthum in’n Süden, de Millmer Noordermarren in’n Westen un de Spieker Südermarren in’n Noordwesten.
Historie
ännernDe Oortsnaams Northum, Millm un Sorthum billt een Grupp. De dree Naams kaamt von de Laag: Northum in’n Noorden, Millm in de Midd un Sorthum in’n Süden.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Spiek in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Kaspel Millm un hett to dat Vaagdiegericht Land Wusten tohöört. Von 1852 bet 1885 weer dat in dat Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. Januar 2015 is de Gemeen Millm as Deel von de Samtgemeen Land Wusten mit de Gemeen Noordholt dör Fusion tohoopgahn un billt nu de Gemeen Wuster Noordseeküst.
Inwahnertall
ännern| Johr | Inwahners |
|---|---|
| 1791[1] | 9 Füürsteden |
| 1812[2] | 40 |
| 1824[3] | 7 Füürsteden |
| 1. Dezember 1871[4] | 39 Lüüd, 9 Hüüs |
Religion
ännernNorthum is evangeelsch-luthersch präägt un höört to dat Kaspel von de Pankratius-Kark in Millm.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 448
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153